Բաժանմունքում իրականացվում է.

• սրտանոթային,
• նյարդավիրաբուժական,
• թոքային,
• ուրոլոգիական,
• գինեկոլոգիական,
• վնասվածքաբանական,
• միկրովիրաբուժական

վիրահատությունների պատրաստվող հիվանդների նախավիրահատական (ըստ ցուցումենրի) և հետվիրահատական ինտենսիվ թերապիա:

Կատարվում է.

• ներգանգային ճնշման ինվազիվ դիտարկում (մոնիտորինգ),
• կենտրոնական արյունաշրջանառության դիտարկում սրտի խոռոչների,
• թոքային զարկերակի կաթետերիզացիայի միջոցով:

Բուժական նպատակով կիրառվում են սակավինվազիվ միջոցառումներ.

• թոքամզային պունկցիա,
• որովայնի խոռոչից ախտաբանական հեղուկի քաշում (լապարոցենտեզ),
• ողնուղեղային հեղուկի գոտկային պունկցիա,
• կենտրոնական երակների և զարկերակների կաթետերիզացիա, բրոնխոսկոպիա, գաստրոսկոպիա):

Բաժանմունքում իրականացվում է ծայրահեղ ծանր վիճակում ընդունված`

• կենտրոնական նյարդային,
• սրտանոթային համակարգերի,
• լյարդի,
• երիկամների ախտահարումով,
• վնասվածքներից հետո,
• բազմավնասվածքներ օրգան-համակարգերի ախտահարումով

հիվանդների  վերակենդանացման միջոցառումներ:      

Բաժանմունքը հագեցած է նաև արտամարմնային (էքստրակորպորալ) ապաթունավորման (դետոքսիկացիայի) սարքավորումներով.

• հեմոդիալիզ,
• հեմոֆիլտրացիա,
• հեմոսորբցիա,
• պլազմոֆերեզ,
• բարոթերապիա:

Սրտանոթային համակարգի ախտահարումով հիվանդների մոտ համակցված բուժման հետ կիրառվում է արհեստական և օժանդակող արյունաշրջանառություն, ներզարկերակային բալոնային հակապուլսացիա:

Վերոնշյալ բուժական միջոցառումները իրականացվում են շուրջօրյա:

Բաժանմունքը հերթապահում է ամսվա բոլոր օրերը Հայաստանի Հանրապետության ողջ տարածքի համար:  

Բաժանմունքի վարիչ` բ.գ.թ Ռաֆայել Գրիգորի Գրիգորյան
Ռ.Գ. Գրիգորյանը վերապատրաստում է անցել ՌԴ, ԱՄՆ, Ֆրանսիայի առաջատար կլինիկաներում: