Ադենոման կամ շագանակագեղձի գիպերպլազիան հիվանդություն է, որը պայմանավորված է շագանակագեղձի մեծացման հետ: Մեծանում է ոչ թե հենց ինքը շագանակագեղձը`  այլ այսպես կոչված միզածորանի հավելյալ (հարուրետրալ) գեղձերը, որոնցից էլ ձևավորվում է ադենոման`բարորակ ուռուցքը: Այս վիճակը համարվում է տղամարդու ծերացման նորմալ գործընթացի մի մասն և կախված է տեստոստերոնի և դեհիդրոտեստոստորոնի աշխատանքից:

Շագանակագեղձի մեծացող ադենոման քայքայում է միզապարկի մկանները` խախտելով նրա կրճատման ունակությունը: Միզապարկի պատը հաստանում է  և դառնում  դյուրագրգիռ. զգայունության մեծացումը բերում է միզապարկի ծավալի փոքրացման, հաճախամիզության և միզարձակման ակտի խանգարման: Միզապարկի պատերի կրճատման ունակությունն աստիճանաբար թուլանում է, վատանում է միզապարկն ամբողջությամբ դատարկելու հնարավորությունն, ինչը բերում է մնացորդային մեզի ծավալի ավելացման և երբեմն էլ սուր կամ քրոնիկ միզակապության:

Ախտանշաններ

Հիվանդության առաջին փուլում նկատվում է հաճախամիզություն` հատկապես գիշերը: Հետագայում կարող է առաջանալ անմիզպահություն, երբեմն միզարձակումն ընդհատվում է և մեզը դուրս է գալիս ուժ գործադրելու արդյունքում: Զգացվում է «լիքը միզապարկ», միզապարկի մկանները չեն կարողանում հաղթահարել մեզի հոսքի դեմ առաջացած խոչընդոտն, որի հետևանքով մեզի մի մասը մնում է միզապարկում: Ժամանակ առ ժամանակ հանկարծակի առաջանում է միզակապություն, որը պահանջում է կատետրային միջամտություն: Առանց համապատասխան բուժման` հիվանդությունը շարունակում է զարգանալ, լցված միզապարկից մեզը դուրս է գալիս կաթիլ-կաթիլ, միզելու ցանկութկունը բացակայում է: Այլ դեպքերում զարգանում է բացարձակ միզակապություն: Խախտվում է երիկամների գործունեությունն, առաջանում է ընդհանուր թուլություն, ծարավ, փորլուծություն կամ փորկապություն, քաշի կորուստ, ախորժակի բացակայություն:

Շագանակագեղձի ադենոման կյանքի որակի անկման ամենահաճախ հանդիպող պատճառներից է, որը հանդիպում է 50 տարեկանից բարձր տղամարդկանց մոտ: Ըստ վերջին տվյալների` շագանակագեղձի ադենոմայով տառապող պացիենտների 70%-ը ունեն պոտենցիայի խանգարումներ:

Բուժում

Սկզբնական շրջանում բուժումը կոնսերվատիվ է, հետագայում` վիրահատական, որն իրենից ներկայացնում է շագանակագեղձի ադենոմայի հեռացում:

Ներկայումս մեր բժշկական կենտրոն դիմած պացիենտների մեծամասնությունն ուզում է շրջանցել վիրահատությունը: Պացիենտները ստանում են մեզի պրոցեսը կարգավորող դեղամիջոցներ և բարելավում են կյանքի որակը:

«Օն Կլինիք» կորպորացիան օգտագործում է համաշխարհային բժշկության առաջատար մշակումներ, սեփական լաբորատորիաներում մշակած դեղամիջոցներ, որոնք պարունակում են բնական և արհեստական ճանապարհով ստեղծված էլեմենտներ: Այսպիսի համատեղությունը շատ դեպքերում հնարավորություն է տալիս խուսափել վատ ազդեցությունից` միաժամանակ հզորացնելով պացիենտի օրգանիզմի դիմադրողական համակարգը:

Մեր բժշկական կենտրոնում մեծ հաջողությամբ բուժում են այնպիսի խնդիրներ, ինչպիսիք են գիշերային անմիզապահությունը(էնուրեզ), սթրեսային անմիզապահությունը, անմիզապահությունը կանանց մոտ: