Ինչպե՞ս բացահայտել մարդուն ձեռագրի միջոցով (Մաս 2 )

Շարունակելով ձեռագրի հոգեախտորոշում թեման՝ Ձեզ ենք ներկայացնում եւս 3 կարեւոր առանձնահակության:

1.Ձեռագրի ընթեռնելիություն

Ձեռագրի ընթեռնելիությունը կարող է պատմել մարդու մտքի ճկունության, արագության եւ սրության մասին:

Այն մարդիկ, ովքեր ունեն անընթեռնելի ձեռագիր, չունեն հստակ եւ  տրամաբանված միտք, բայց  պետք  է հաշվի առնել, որ դժվար կարդացվող  ձեռագիրը  կարող  է լինել նաեւ  արագ գրելու  հետեւանք: Եթե ձեռագիրը ընթեռնելի է, բայց  նրանում չկան պաճուճազարդ տառեր ուրեմն կարելի է ենթադրել, որ հեղինակը խելացի է,  սակայն  հակված  չէ ստեղծագործական  աշխատանքի, իսկ յուրօրինակ տառերի առկայությունը խոսում է հեղինակի ստեղծագործական մտքի, հետաքրքրասիրության եւ  հստակ մտածողության մասին: Հատկանշական է այն, որ  որքան հեղինակը քիչ է օգտագործում նախշազարդ տառեր, այնքան նա ժամանակակից է  իր հայացքներում, եւ հակառակը, որքան քիչ են նախշազարդ տառերի առկայությունը տեքստում, այնքան մարդը պահպանողական է:

2.Գրչի հպման ուժգնությունը

Գրչի թույլ հպումները բնորոշ են  ինտրովերտներին, այսինքն այն մարդկանց, ովքեր  քիչ են արտահայտում իրեն զգացմունքները, մտածում եւ գործում են շատ զգույշ, իրենց կարծիքն արտահայտում են միայն այն ժամանակ, երբ հարցնում են կամ խիստ անհրաժեշտ է:

Գրչի ուժեղ հպումը խոսում է մարդու  վճռական եւ եռանդուն բնավորության մասին: Չնայած  այս  անձանց  համար կյանքում առավել  կարեւոր  է  նյութականը, այնուամենայնիվ,  նրանք կարող են արտահայտել վեհ գաղափարներ եւ առաջնորդվել դրանցով: Նրանք  էքստրավերտ  են, նպատակասլաց  եւ լավատես: Սիրո  մեջ  կրքոտ  են եւ ազատ  արտահայտում  են իրենց  զգացմունքները:

Միջին ուժգնությամբ գրում է մարդկանց մեծամասնությունը: Նման մարդիկ իրավիճակից  կախված  կարող  են արտահայտել  կամ թաքցնել  հույզերը: Երբեմն  ձեռագրում հանդիպում են տարբեր ուժգնության տառեր, սա խոսում է հեղինակի թույլ ինքնակառավարման մասին, նման մարդիկ դժվար են կողմնորոշվում իրավիճակներում եւ բավականին կասկածամիտ են:

3. Բառերի միջեւ եղած հեռավորությունը

Այս դեպքում կարելի է  կարծիք կազմել մարդու խնայող կամ շռայլ լինելու վերաբերյալ: Որքան մեծ են տառերի եւ բառերի միջեւ եղած հեռավորությունը, այնքան մարդը խնայող է եւ փակ: Եթե  ձեռագիրը գրված է  խոշոր տառերով,  իսկ բառերի  եւ տողերի միջեւ  եղած  տարածությունը   քիչ է, դա  վկայում է, որ հեղինակը շռայլում է միայն այնտեղ, որտեղ  կարող  են նրան նկատել:

Ինչպե՞ս բացահայտել մարդուն ձեռագրի միջոցով (Մաս 1)

Հարցեր, պատասխաններ, մեկնաբանություններ