ՀՀ ԱՆ. Կայացել է ՄԱԿ-ի Խոշտանգումների դեմ կոմիտեի 83-րդ նստաշրջանը

ՄԱԿ-ի Խոշտանգումների դեմ կոմիտեի նստաշրջանում ներկայացվել են քրեակատարողական հիմնարկներում իրականացվող առողջապահության ոլորտի բարեփոխումները:

Ժնևում մեկնարկած ՄԱԿ-ի Խոշտանգումների և այլ դաժան, անմարդկային կամ նվաստացնող վերաբերմունքի կամ պատժի դեմ կոնվենցիայի իրականացումը մշտադիտարկող կոմիտեի 82-րդ նիստին մասնակցել է ՀՀ առողջապահության նախարարության Միջազգային հարաբերությունների վարչության պետ Արմեն Մելքոնյանը:

Քրեակատարողական հիմնարկներում իրականացվող առողջապահության ոլորտի բարեփոխումների վերաբերյալ զեկույցից հետո, պատասխանելով կոմիտեի անդամների հարցերին, Արմեն Մելքոնյանն անդրադարձել է.

• կենտրոնի ստորաբաժանումների բժշկական անձնակազմի համալրվածությանը,
• հոգեկան առողջության խնդիր ունեցող ազատազրկված անձանց անհրաժեշտ բժշկական օգնության տրամադրմանը,
• կենտրոնի ստորաբաժանումներում դեղերով և անհրաժեշտ բժշկական սարքավորումներով հագեցվածությանը,
• էլեկտրոնային առողջապահության միասնական ԱՐՄԵԴ համակարգին կենտրոնի ինտեգրմանը,
• քրեակատարողական հիմնարկներում վարակիչ հիվանդությունների կանխարգելմանը և դրանց դեմ պայքարի գործողությունների շրջանակում տարվող աշխատանքներին,
• ազատազրկման վայրերում պատիժ կրող կանանց, այդ թվում` հղիների համար կազմակերպվող մասնագիտացված բուժսպասարկմանը,
• կենտրոնի անձնակազմի համար պարբերաբար անցկացվող համապատասխան վերապատրաստումներին:

Հարցեր, պատասխաններ, մեկնաբանություններ