Բաղադրությունը

Պտուղները պարունակում են 3-18% վիտամին С, վիտանիններ` Р, В₁, В₂, К, Е, պրովիտամին А, 24% շաքար, երկաթ, օրգանական թթուներ, մակրո-, միկրոէլեմենտներ: Սերմերում կան Е վիտամին, ճարպայուղ, օրգանական թթուներ:

Կիրառությունը

Հիպոկրատը գրել է, որ մասուրը հակաբորբոքիչ միջոց է: Տիբեթական բժշկության մեջ պտուղներն օգտագործվում են թոքախտի, աթերոսկլերոզի, նևրասթենիայի ժամանակ: Պտուղները պարբերաբար օգտագործելը լուծում է երիկամային քարերը:

Քանի որ այդ բուժական հատկությունները հիմնականում պայմանավորված են պտուղներում վիտամին C-ի մեծ պարունակությամբ, իսկ ջերմային մշակումը ոչնչացնում է վիտամինները, գերադասելի է մասուրն օգտագործել հում վիճակում: Աշնան ամիսներին, եթե նոր հասունացող պտուղները հում վիճակում ուտելը հաճելի է, ապա ձմռանը չորացրած պտուղների օգտագործումը` առանց ջերմային մշակման, շատերին անհնարին է թվում: Պետք է վարվել հետևյալ կերպ. վերցրեք 1-2 բուռ չորացրած մասուր, ավելացրեք 1-2 լ գոլ կամ սաոը ջուր և սենյակային ջերմաստիճանում (18-20°) պահեք 10-12 ժամ, որից հետո փափկած պտուղները ճմռեք ու պահեք ևս 2-3 ժամ, քամիչով անցկացնելուց հետո ստացված թանձր, կարմիր նյութը կամ այդ ձևով, կամ մեղր խառնելուց հետո` խմեք: Մեկ սուրճի բաժակ հյութը բավարարում է օրգանիզմի C վիտամինի 1-2 օրվա պահանջը: Քամելուց հետո մնացած կորիզների և պտուղների մասնիկների վրա նորից ջուր լցրեք` հնարավորություն տալով վիտամինների և այլ արժեքավոր միացությունների անմնացորդ ղուրս կորզմանը: Այդ գործողությունը կարելի է կրկնել 2-4 անգամ, մինչև որ քամելուց հետո մնան միայն կորիզն ու մաքուր լվացված կեղևը: Այլ եղանակով պատրաստված մասրահյութը արժեք չունի:

Ամիրդովլաթի տվյալներով` մասուրը բուժում է աղիների խոցը, լնդախտը, լուծը, դադարեցնում է արյունահոսությունը, դանդաղեցնում է ծերացումը:

Վիտամին C-ն համարվում է «վիտամինների վիտամին», որովհետև` աոանց նրա մասնակցության, օրգանիզմում շատ ու շատ պրոցեսներ չեն կարող ընթանալ: Այնպես որ, մասուրի արժեքավորությունն ընդգծելու համար պարտադիր չէ բազմաթիվ հիվանդությունների բուժման ցուցակ գրել: Առավոտները սոված վիճակում վերը նշված եղանակով ստացված մասուրի հյութից խմեք 1 սուրճի բաժակ, կերեք 1 խնձոր և դուք հրաժեշտ կտաք բազմաթիվ հիվանդությունների, եթե ունեք այդպիսիք, իսկ եթե աոոդջ եք, ապագա հիվանդությունների աոջև ձեր մարմնի դռները կփակվեն:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com

Կարդացեք նաև.

ԼՈՒՐԵՐ

Մասուրի օգտակար հատկանիշները