Կոկորդի նորագոյացությունների վիրահատական րուժումր միկրունդոլարինգեալ վիրաբուժության միջոցով

Օտոլարինգոլոգների պրակտիկ աշխատանքներում կոկորդի տարբեր պաթոլոգիաների ախտորոշման ե բուժման մեթոդների կատարելագործման անհրաժեշտությունը կարեոր տեղ է գրավում: Հաճախ են հանդիպում հիվանդներ, որոնց մոտ խախտված է կենսական կարեոր ֆունկցիաները`ինչպիսիք են շնչառական ե ձայնագոյացման ֆունկցիաները: Բացի այդ անատոմիական առանձնահատկությունից ելնելով, դժվար է կատարել հետազոտություններ ե վիրահատական միջամտություններ: «էրեբունի» ԲԿ-ի քիթ-կոկորդ- ականջաբանության բաժնում կոկորդի տարբեր պաթոլոգիաների բուժման էնդոլարինգեալ միկրովիրաբուժական մեթոդը ներդրվել է 1993 թվականին: Այդ ընթացքում (1993-2011թթ.) կատարվել է 2223 վիրահատություն, որը այդ ժամանակահատվածի վիրահատությունների ընդհանուր թվի`20 982, 13,8% է կազմում:

Առաջին հայացքից էնդոլարինգեալ միկրովիրաբուժական միջամտությունները քանակապես շատ չեն համեմամատած բոլոր LOR վիրահատությունների թվին, սակայն դրանք լիովին չեն արտահայտում կատարած աշխատանքների ծավալը ե բարդությունները, որոնք կախված են հիվանդների ծանրության աստիճանից, տարիքից (հատկապես կրտսեր ե կրծքի հասակի երեխաների մոտ), միկրովիրաբուժական գործիքների ե բարդ սարքավորումների կիրառումից, անէսթեզոլոգիական առանձնահատկություններից, լարինգոսկոպիական տվյալների գրանցման անհրաժեշտությունից: Բոլոր էնդոլարինգեալ միկրովիրահատական միջամտությունները կատարվել են Ո/Ա տակ, հիմնականում էնդոտրախեալ, իսկ երեխաների մոտ հաճախ կիրառվել է թոքերի արհեստական ինժեկցիոն շնչառությունը: Հիվանդները վիրահատությունից առաջ հետազոտվել են ե նախապատրաստվել վիրահատության: Վիրահատությունների տեողությունը չի գերազանցել 10-15 րոպեն, բացառությամբ անբարենպաստ անատոմիական կառուցվածքով դեպքերի'ողնաշարի պարանոցային հատվածի դժվարաշարժություն, ստորին ծնոտի կարկամություն, կարճ-հաստ պարանոց ե այլն: Որպես օրենք, հիվանդները դուրս են գրվել կլինիկայից վիրահատության հաջորդ օրը: Հեռացված գոյացությունը ուղարկվել է հիստոլոգիական հետազոտության: Բոլոր հիվանդները էնդոլարինգեալ միջամտությունից հետո 1 տարի գտնվել են դիսպանսեր հսկողության տակ:

Վիրահատված հիվանդները ունեցել են հետեյալ պաթոլոգիաները`նոդոզ բարորակ գոյացություններ (երգչի հանգույցներ, պոլիպներ, իրական ֆիբրոմաներ, անգիոֆիբրոմաներ, հեմանգիոմաներ, ոչ սպեցիֆիկ գրանուլեմներ) - 936 դեպք,

• կոկորդի կիստա - 423,
• կոկորդի պապիլոմատոզ -139,
• խրոնիկ հիպերպլաստիկ լարինգիտներ -200,
• նախաքաղցկեղային վիճակներ  -86,
• կոկորդի չարորոկ ուռուցքներ  -83:

Հիվանդների առաջին խմբում գլխավոր մասը կազմում են պոլիպ ները-519, երկրորդ տեղում են երգչի հանգույցները-289, ֆիբրոմաները-129, անգիոֆիբրոմաները-126, հետինտուբացիոն գրանուլեմները-119: Այս խմբում վիրահատված հիվանդների 62%-ը կազմում են տղամարդիկ`31-51 տարեկան (դեպքերի 73%): Ձայնալարերի կիստաներով հիվանդների խմբում (423 հիվանդ) տղամարդիկ կազմել են 57%: Ոստ մեր տվյալների`այդ պաթոլոգիան հանդիպում է հաճախ 41-60 տարեկան հասակում (67%): Վիրահատության ժամանակ կատարվել է կիստայի պատի հատում ե հիմքի կյուրետաժ:

Կոկորդի պապիլոմաների բուժման ժամանակ կիրառվել է համընդհանուր ճամաչում ունեցող մեթոդը. ուռուցքի հեռացում էնդոլարինգեալ եղանակով, տեղային ե ընդհանուր հակավիրուսային, իմունոկարգավորող թերապիա: 139 հիվանդներից 60-ը երեխաներ էին 1,5-14 տարեկան (32 տղա, 28 աղջիկ): 79 մեծահասակ հիվանդներից 50-ը կանայք էին: 18 հիվանդների մոտ պապիլոմատոզը ընթացել է հաճախակի ռեցիդիվներով, ուստի կատարվել է կրկնակի վիրահատական միջամտություն 3-18 ամիս ինտերվալով: Հիվանդների այդ խմբի բուժմանը ավելացվել է հակավիրուսային պրեպարատների կիրառում վիրահատությունից հետո 10 օրը 1 անգամ: Այդ մեթոդի շնորհիվ բոլոր հիվանդների մոտ դիտվել է դրական արդյունք:

Խրոնիկ հիպերպլաստիկ լարինգիտով 200 հիվանդներին (125 տղամարդ, 75 կին) կատարվել է կոկորդի լորձաթաղանթի հիպերպլազիայի ենթարկված հատվածների մակերեսային դեկորտիկացիա, որի արդյունքում ունեցել ենք երկարատե դրական ֆունկցիոնալ էֆեկտ`մինչե 3 տարի դիտարկումների ընթացքում: Կոկորդի նախաքաղցկեղային ե չարորակ հիվանդություններով 86 հիվանդների մոտ կատարվել է բիոպսիա, հեռացված հյուսվածքի արագ հիստոլոգիական հետազոտութուն, LOR-օնկոլոգի կոնսուլտացիա: էնդոլարինգեալ վիրաբուժությունը հնարավորություն է ընձեռում ճշտել ուռուցքի չափսերը ե տարածվածությունը, հիստոլոգիական կազմությունը, որից հետո հիվանդների բուժումը անհրաժեշտ է շարունակել օնկոլոգիական դիսպանսերում:

Այսպիսով, կոկորդի նորագոյացությունների ժամանակ էնդոլարինգեալ միկրովիրաբուժության բարձր էֆեկտիվությունը ակնհայտ է ե անհրաժեշտ:

Հարցեր, պատասխաններ, մեկնաբանություններ