Ինչպե՞ս պետք է սնվի հղի կինը և հղիության ընթացքում ինչպիսի՞ քաշն է համարվում նորմալ. tsnndatun.am

Ինչպե՞ս պետք է սնվի հղի կինը

Երկար ժամանակ կարծում էին, որ հղի կինը պետք է սնվի երկու հոգու փոխարեն, այսինքն սննդի կրկնակի քանակ ընդունի:

Ժամանակակից բժշկությունը գտնում է, որ այդպիսի մոտեցումը խիստ սխալ է: Այսօր բժիշկները ապագա մայրերին խորհուրդ են տալիս ընդամենը ճիշտ սնվել և հղիության առաջին օրերից արդեն հետևել մարմնի քաշին:

Ցանկացած խիստ սահմանափակում, սովը, դիետաները հակացուցված են ապագա մայրերին: Դրանք կարող են բերել անհրաժեշտ սննդարար նյութերի դեֆիցիտի:

Սննդում պետք է ընդգրկել.

• բարդ ածխաջրատեր /բանջարեղեն, միրգ, շիլաներ/,
• սպիտակուցներ /մսի, ձկան, ծովամթերքի ոչ ճարպոտ տեսակներ/
• ճարպեր /ցանկալի է բուսական ծագման/,
• մեծ քանակով ջուր:

Սննդից պետք է հանվեն

• Պարզ ածխաջրատերը /թխվածքներ և քաղցրեղեն/, որոնք շատ արագ օրգանիզմը յուրացնում և ճարպաշերտի է վերածում:
• Աղի և ապխտած մթերքը, որոնք պահում են ջուրն օրգանիզմում:
• Սննդի պատրաստման ձևը ցանկալի է լինի ջրում, ջեռոցում կամ գոլորշու օգնությամբ եփելը՝ վիտամինների քայքայումը հնարավորինս կանխելու համար:

Հղիության ընթացքում քաշի ավելացումը կանխարգելում է ակտիվ ապրելակերպը և ամենօրյա չափավոր ֆիզիկական ծանրաբեռնվածությունը, ինչպիսին են լողը և քայլքը:

Հղիության ընթացքում ինչպիսի՞ քաշն է համարվում նորմալ

Նորմալ է համարվում քաշի ավելացումը հղիության ընթացքում 8-14 կգ: Որի կեսը կազմում է պտղի, պլացենտայի, արգանդային ջրերի, պտղային պատյանի, պորտալարի քաշը: Դրան զուգահեռ, ապագա մոր մոտ ավելանում է շրջանառվող արյան ծավալը, մարմնի ճարպային շերտը, որն անհրաժեշտ է պտղին անհրաժեշտ հորմոնալ բալանսի և նրա պաշտպանությանը արտաքին վնասակար ազդեցություններից:

Ընդ որում, քաշի ավելացումը կախված է նաև մինչ հղիությունը կնոջ քաշից, ունեցած հղիությունների քանակից: Քաշի առավելագույն աճը լինում է երկրորդ էտապում, երբ կնոջ քաշն ավելանում է ամեն օր մոտ 350 գրամով:

Ինչո՞վ է վտանգավոր հղիության ընթացքում ավելորդ քաշը

Անհանգստանալու պատճառ կա, եթե քաշի ավելացումը կազմում է շաբաթը 1 կգ-ից ավելի:   Դա վտանգ է ներկայացնում և մոր, և պտղի համար, քանի որ կարող է այնպիսի բարդությունների պատճառ դառնալ, ինչպիսին են.

• հիպերտոնիան,
• դիաբետը /articles/saharnyi-diabet-beremennyh,
• հեստոզը /ուշ տօքսիկոզ//, /articles/chto-takoe-gestoz,
• վարիկոզը,
• ողնաշարի և հոդերի գերծանրաբեռնվածությունը,
• վիժումը և վաղաժամ ծննդաբերությունը,
• ծննդաբերության բարդացած ընթացքը,
• կեսարյան հատման անհրաժեշտությունը,
• պտղի զարգացման պաթոլոգիաները:

Հարցեր, պատասխաններ, մեկնաբանություններ