Բաղադրությունը

Ջուր` 81-83%, շաքարներ` 3.4-3.6%, ածխաջրեր` 4.4%, թթուներ` 1 5 %, ազոտային նյութեր` 0.5 %, բջջաթաղանթ` 5%, մոխրացող մնացորդ` 0.5-0.6%:

Պարունակում է նաև միկրո-, մակրոէլեմենտներ, 0.01-2.2 մգ վիտամին А, В խմբի վիտամիններ, 6-10 մգ վիտամին С, 0.63 մգ վիտամին Е:

Կիրառությունը

Հին հունական բժիշկների տվյալներով` քաղցր սալորն ակտիվացնում է սպիների աշխատանքը և վերացնում է փորկապությունը: Սալորն օգտագործում են աղեստամոքսային ցավերի հանգստացման, այրոցքի զգացողության վերացման համար: Կիրառում են աթերոսկլերոզի, երիկամների ցավերի, պոդագրայի և ռևմատիզմի դեպքում: Մանրացված թարմ տերևներր` թարախային վերքերին ու խոցերին դնելուց, նպաստում է նրանց արագ առողջացմանը: Չնայած կան սալորի շատ տեսակներ, բոլորն էլ ունեն աղիները վնասակար մանրէներից մաքրելու հատկություն: Սալորը նպաստում է օրգանիզմից նատրիումի աղերի, ջրի ավելցուկի դուրս բերմանը, իսկ դա հիպերտոնիայի, սիրտ-անոթային հիվանղությունների, երիկամային անբավարարության դեմ պայքարի միջոցն է: Սալորի հյութը` առավոտները սոված վիճակում խմելու դեպքում, մաքրում է օրգանիզմը, հատկապես` լյարդը:

Թթու սալորը` ի տարբերություն քաղցրի, պնդություն է առաջ բերում:

Ամիրդովլաթ Ամասիացին նշում է, որ տերևների եփուկով կատարված ողողումներն օգնում են կոկորդի հիվանդությունների դեպքում, վերացնում են շնչափողի ուռուցքր, ամրացնում լնդերը: Մասրենու բուսախեժը` լուծված վիճակում,  աչքի մեջ կաթեցնելր սուրմայի պես մաքրում է աչքը: Լուծված բուսախեժը խմելր վերացնում է չոր հազը, կոկորդի չորությունը- Բուսախեժը նաև օգնում է միզատար ուղիներում քարեր ունենալու դեպքում:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com

Կարդացեք նաև.

ՀՈԴՎԱԾՆԵՐ

Կրկին սալորի մասին

ԼՈՒՐԵՐ

1. Սալոր
2. Սալորը վերադարձնում է երիտասարդությունը