Բաղադրությունը

Պտուղները պարունակում են շաքարներ (գլյուկոզա և ֆրուկտոզա)` 4-5%, օրգանական թթուներ` հիմնականում. խնձորաթթու` (6-7%), մոխրացող նյութեր` 1%, հանքային աղեր, վիտամիններ: Ոչ հասուն պտուղները, տերևները, կեղևը, արմատը պարունակում են ալկալոիդներ: Պտղակալման շրջանում տերևներում հայտնաբերվել են վիտամին Е, եթերային յուղեր:

Կիրառությունը

Սկսած հնադարից կծոխուրր լայնորեն օգտագործվել է: Պտուղները լավ հագեցնում են ծարավը, խթանում ախորժակը, հանգստացնում գրգռված վիճակը, առաջացնում սպիների պնդություն, լեղամուղ են, միզամուղ, օգնում են թութքի դեպքում:

Ըստ իտալացի բժիշկների ուսումնասիրությունների` կծոխուրը լավ է ազդում փայծաղի մեծացման դեպքում (մալարիայից հետո): Տերևների սպիրտային լուծույթն օգտագործում են լյարդի հիվանդությունների, փայծաղի մեծացման դեպքում: Կեղևի ջրաթուրմով բուժում են լյարդի, երիկամների հիվանդությունները, հատկապես` ջրգողությունը, դեղնախտը, լեղաքարային հիվանդությունները, պոդագրան, ռևմատիզմը, լյումբագոն, իսկ արմատների կեղևի ջրաթուրմն օգտագործում ևն արգանդային արյունահոսությունը դադարեցնելու համար:

Ժամանակակից բժշկությունը կեղևից ստանում է «Բերբերին» դեղամիջոցը: Հաստատված է, որ ծաղիկների թուրմը բուժում է սրտի հիվանդությունները, մալարիան:

Տերևների սպիրտային լուծույթն օգտագործում են նաև հետծննդյան շրջանի արյունահոսությունների և արգանղի լորձաթաղանթի` էնդոմետրիայի դեպքում: Լեղածորանի հիվանդությունների դեպքում կծոխուրը լավացնում է լեղու ելքը, պակասեցնում է ցավերը:

Կիրառության ձևերը.

1. Տերևների սպիրտային լուծույթը (26 կաթիլ)` օրական 2-3 անգամ, օգտագործել 2-3 շաբաթվա ընթացքում:
2. 1 թեյի գդալ արմատի կեղևը լցնել 2 բաժակ եռացող ջրի մեջ և պահել 4 ժամ, քամել: Խմել օրվա ընթացքում, կումերով:

Տիբեթական բժշկությունը կծոխուրի արմատն օգտագործում է որպես քրտնեցնող, արյան բարձր ճնշումն իջեցնող, գրգռված վիճակր հանգստացնող միջոց:

Ըստ Ամիրդովլաթ Ամասիացու` արմատի կեդևն ամրացնում է ատամները, բուժում քաղցկեղային խոցը, ամրացնում մազարմատր, սրում տեսողությունը: Օգնում է կոպերի բորբոքման, ադիների խոցերի դեպքում:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com