Վեց պարզագույն կանոն, որոնք կօգնեն խուսափել աղիքի քաղցկեղից. oncology.am

Աղիքի քաղցկեղը վերջին ժամանակաշրջանում աշխարհի շատ երկրներում ամենահաճախ հանդիպող ուռուցքաբանական հիվանդությունների առաջին տասնյակի մեջ է հայտնվել:

Ըստ բժիշկների, հիվանդացության այսպիսի աճն ունի լիարժեք հիմնավորված բացատրություն: Առաջին հերթին դա անկանոն սնվելն է, ապա վնասակար սովորությունները, որոնցից հրաժարվելը կարող է էականորեն նվազեցնել քաղցկեղի այս ձևի հիվանդացության ռիսկը: Բացի այդ ամբողջ աշխարհում, ընդհանուր առմամբ, էականորեն մեծացել է տարեց մարդկանց քանակը, ովքեր հիվանդանում են, և դա անդրադառնում է վիճակագրական հաշվարկների ընդհանուր պատկերի վրա:

Այնուամենայնիվ, փորձագետները համոզված են, որ այս տխուր երևույթում առաջատար դերը պատկանում է, այսպես կոչված, «արևմտյան սննդակարգին», ծխելուն և ալկոհոլի չարաշահմանը: Նույնիսկ ԱՄՆ-ն՝ իր բավականին բարձր կենսական մակարդակով, աշխարհում հաստ աղու հիվանդացությամբ զբաղեցնում է երկրորդ հորիզոնականը` մշտապես խլելով հարյուր-հազարավոր մարդկային կյանքեր: Ըստ տարածվածության նահանգները նույնպես հաստ աղիքի քաղցկեղով հիվանդացությամբ բնակչության շրջանում երրորդ հորիզոնականն է զբաղեցնում: 2016 թվականը բացառություն չի կարող լինել. սպասվում է, որ քաղցկեղի այս տեսակի նոր դեպքերի թիվը կգերազանցի 134 000-ը:

Ամերիկացի գիտնականները պնդում են, որ հաստ աղիքի քաղցկեղի նոր դեպքերի մոտավորապես կեսից հնարավոր կլիներ խուսափել՝ հետևելով կենսակերպի հետևյալ վեց պարզագույն կանոններին: Դրանց արդյունավետության մասին են վկայում նաև այս ուռուցքաբանական հիվանդության ուսումնասիրությանը նվիրված հարյուրավոր գիտական աշխատանքների արդյունքների վերլուծությունը:

1. Աղիքի քաղցկեղով հիվանդանալու վտանգը զգալիորեն քիչ է այն մարդկանց մոտ, ովքեր իրենց քաշը պահպանել են նորմայի սամաններում և ուշադիր հետևել են, որպեսզի որքան հնարավոր է քիչ ճարպ կուտակվի իրենց գոտկատեղի շրջանում:

2. Աղիքի ուռուցքաբանական հիվանդությունների կանխարգելման առումով շատ օգտակար են կանոնավոր ֆիզիկական ծանրաբեռնվածությունները: Խոսքն առավոտյան պարտադիր վազքի կամ մարզասրահ կանոնավոր հաճախելու մասին չէ. նույնիսկ բնակարանի ամենօրյա մաքրումը կամ զբոսանքը կարող են դրական արդյունք տալ:

3. Առօրյա սննդակարգում պետք է ներառված լինի բջջանյութ. ամենօրյա ռացիոնում յուրաքանչյուր 10 գրամ բջջանյութը, որով հարուստ են բանջարեղենը, մրգերը և ամբողջական հացահատկի ալյուրից պատրաստված հացը, կարող է նվազեցնել աղիքի քաղցկեղի զարգացման ռիսկը 10%-ով:

4. Անհրաժեշտ է ամենօրյա սննդակարգում առավելագույն նվազեցնել կարմիր մսի (խոզի, տավարի, հորթի, գառան միս) և մսամթերքի (երշիկեղեն, ապխտած միս, հում մսամթերք) քանակը: Այս, այսպես կոչված, մսային դելիկատեսները միևնույն քաշի դեպքում նույնիսկ ավելի վտանգավոր են, քան տապակած, շոգեխաշած և եփած միսը:

5. Ալկոհոլի չարաշահումը զգալիորեն մեծացնում է աղիքի ուռուցքների զարգացման ռիսկը. ամեն ինչ պետք է լինի թույլատրելի սահմաններում կամ լիովին բացառված:

6. Ուռուցքի այս ձևի զարգացումը հիմնավոր նվազեցնում է սովորական սխտորը, որը պետք է մշտապես գտնվի սննդակարգում՝ չնայած նրա «յուրահատուկ» հոտին:

Հարցեր, պատասխաններ, մեկնաբանություններ