Բաղադրությունը

Ջուր` 90-91%, ազոտային նյութեր` 1-1.2%, ճարպեր` 0.2-0.3%, անազոտ նյութեր` 6-6.2%, բջջաթաղանթ` 1-1.2%, մոխրացող մնացորդ` 0.8%, վիտամիններից` 0.04 մգ A, 8-20 մգ C, 0.08-0.11 մգ B1:

Կիրառությունը

Շաղգամի եփուկով լոզանքն օգտագործում են պոդագրայի դեպքում, հյութը` ասթմայի, չարորակ տենդի բուժման համար:

Գաբելխովերը շաղգամը գովաբանում է որպես միզամուղ, քունը նորմալացնող, ատամի ցավը հանգստացնող միջոց:

Բուխանը հյութն օգտագործել է հազի պատճառով առաջացած խռպոտության բուժման համար: Ամիրդովլաթը նշում է, որ շատ շաղգամ ուտելը սրում է տեսողությունը, առատացնում է կերակրող մայրերի կաթը, միզամուղ է: Հյութով կարելի է օծել կրունկների ճաքերը, սերմերը թունազերծող հատկություն ունեն:

Ուոքերը գտնում է, որ շաղգամի, գազարի, խատուտիկի խառնուրդը (հյութի կամ սալաթի ձևով) շատ արդյունավետ միջոց է ատամների և բոլոր ոսկրային հյուսվածքների ամրացման համար: Նա օգտագործում է նաև շաղգամի տերևները, քանի որ նրանք մեծ քանակությամբ կալցիում են պարունակում:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com