Բաղադրությունը

Ջուր` 94-95%, ազոտային նյութեր` 0.3-0.4%, ճարպեր` 0.06%, էքստրակտային նյութեր՝ 4%, բջջաթաղանթ` 0.6%, մոխրացող մնացորդ` 0.3-0 4%, վիտամիններից' 2.5-5 մգ` С, 5 մգ` А:

Կիրառությունը

Դդումը միզամուղ է, քունը նորմալացնող, լեղամուղ: Սերմերը ժապավենաձև որդերի դեմ են կիրառվում:

Ամիրդովլաթ Ամասիացին նշում է, որ դդումն օգտակար է կիրառել գլխային ուռուցքների, մինինգիտի դեպքում, այն փայլեցնում է ատամները, օգնում հազի ու կրծքային ցավերի բուժմանը: Թարմ հյութն օգնում է դեղնախտի, լյարդի հիվանդությունների դեպքում: Մոխիրն օգնում է նյարդային խոցերի բուժմանը:

Պատեհին գրում է, որ եփված դդմի հյութը` աչքի մեջ կաթեցնելուց, մաքրում է դեղնախտի հետևանքով առաջացած աչքերի դեղնությունը, իսկ դդմի մոխիրը քացախի հետ մարմնին քսելու դեպքում բուժում է խոցերը, դադարեցնում վերքից արյունահոսությունը: Սերմերից ստացված յուղը նպաստում է ականջների ու աղիների հիվանդությունների բուժմանը: Եթե հասունացած դդմի վրա անցք բացվի և լցվի երկաթի մանր կտորներ ու ստվերում պահվի 40 օր, այնուհետև քամվի ծորացող սև ջուրը, այն մազերը կներկի խիտ սև գույնի: Չորացրած դդմի կեղևներն օգնում են առնանդամի խոցերի դեպքում, եթե քսվում է կարագի հետ միասին:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com

Կարդացեք նաև.

ՀՈԴՎԱԾՆԵՐ