Բաղադրությունը

Ջուր` 61-62%, ազոտային նյութեր` 6-7%, ճարպեր` 0.1%, ածխաջրեր` 30-31%, մոխրացող մնացորդ` 1-1.2%, կալիում, նատրիում, մագնեզիում, քլոր, օրգանական թթուներ, եթերային յուղեր, В, С, D վիտամիններ:

Կիրառությունը

Եգիպտոսում սխտորը oգտագործվել է աչքերի բորբոքման, Հունաստանում` օձի խայթոցների դեմ: Դիոսկորիդը առաջինն է սխտորը հանձնարարել ճիճուների դեմ: Պլինիուսր սխտորը հանձնարարել է ջրգողության, թույլ մարսողության, տենդի, ցինգայի, սպազմերի, հազի դեպքում:

Հնդիկ բժիշկները սխտոր են տվել ասթմայի, կաթվածի, ռևմատիզմի դեպքում: Միջին դարերում սխտորը յուղի հետ օգտագործում էին ժանտախտով չհիվանդանալու համար: Վրացիները սխտորն օգտագործել են ճիճուների, կատաղած շների կծածի դեմ, իսկ մեղրի հետ խաոնելուց հետո դնում էին թարախոտ վերքերին:

Լեկլերկը սխտորի օղեթուրմր նշանակել է թոքախտով, բրոնխիալ ասթմայով հիվանդներին և ստացել դրական արդյունքներ:

Լորանը սխտորը համարելէ քաղցկեղից ապահովագրման միջոց: Սխտորի ջրաթուրմը կամ օղեթուրմը համարում են նաև արյան բարձր ճնշումն իջեցնող, սրտազարկերի ուժգնությունը մեծացնող, միզամուղ, աթերոսկլերոզը բուժող միջոց:

 Ամիրդովլաթ Ամասիացին համարում է, որ սխտորը մեծացնում է սեռական կարողությունը, բարելավում է դեմքի գույնը, բուժում թութքը, օգնում փայծաղի առողջացմանը, բուժում էկզեման: Օրական դոզան համարում է 3 ատամիկը:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com

Կարդացեք նաև.

ՀՈԴՎԱԾՆԵՐ

Ինչո՞վ է օգտակար սխտորը: Սխտորը և հիվանդությունները

ԼՈՒՐԵՐ

1. Սխտորը՝ համադարման
2. Գիտնականները բացահայտել են սխտորի օգտակար նոր հատկություններ