Ինչպես արդեն նշվեց, ծննդօգնության հետ կապված բոլոր ծառայությունները, այդ թվում` կեսարյան հատմամբ վիրահատությունները, անվճար են։ Դրանք իրականացվում են պետպատվերի շրջանակներում։ Վճարովի ծառայությունների մեջ մտնում են գինեկոլոգիական բոլոր վիրահատություններն ու միջամտությունները։ Այդուհանդերձ, սոցիալական որոշ խմբերի համար տրամադրվում է գինեկոլոգիական անվճար ծառայություն։

Ծննդատանն առկա բոլոր բաժանմունքները հագեցած են ժամանակակից սարքավորումներով։ Մեզ մոտ կատարվում է նաև սոնոգրաֆիկ հետազոտություն, ինչն իրականացվում է դոպլերի առկայությամբ, 4Դ համակարգ ունեցող սոնոգրաֆիկ սարքավորման շնորհիվ։ Այն թույլ է տալիս մանրամասն դիտարկել պտղի կառուցվածքը, նրա սնուցումն ու ընդհանուր վիճակը։