Կայացան Իլյա Եգորովի «Քրոնիկ հիվանդություններ. խնդրի արդյունավետ լուծում» խորագրով դասախոսությունները

Կարդիոցերեբրալ համախտանիշ, հոդային համախտանիշ, հետդաշտանդադարային շրջան. պարզաբանումներ, առաջարկներ և լուծումներ Ռուսաստանի առաջավոր մասնագետից։

Մայիսի 6-ին Գյումրիում և 7-ին ` Երևանում, կայացավ «Քրոնիկ հիվանդություններ. խնդրի արդյունավետ լուծում» խորագրով  կոնֆերանսը, որը կազմակերպել էր «Գեդեոն Ռիխտեր» ԲԲԸ հայաստանյան ներկայացուցչությունը: Կոնֆերանսի հատուկ հյուրն ու բանախոսը բժշկական գիտությունների դոկտոր, խոշոր մասնավոր կլինիկայի թերապևտիկ բաժանմունքի ղեկավար, համառուսաստանյան «Գիտելիք» ընկերության «Քո առողջությունը» ամսագրի գլխավոր խմբագիր, «Պրակտիկ բժիշկ» ամսագրի գլխավոր խմբագրի տեղակալ, «Ժամանակակից ռևմատոլոգիա» և «Անձնական բժիշկ» ամսագրերի խմբագրական խորհրդի անդամ  Իլյա Վադիմի Եգորովն էր:

Կոնֆերանսի ընթացքում բանախոսը ներկայացրեց բժշկության մեջ հրատապ երեք թեմաներ, կիսվեց իր պրակտիկ և տեսական գիտելիքներով: Թեմաներից յուրքանանչյուրի մասին զրուցեցինք կոնֆերանսի բանախոս, բ.գ.դ. Իլյա Եգորովի հետ:

–   Կարդիոցերեբրալ համախտանիշ. երկու կրակի միջև: Կմանրամասնե՞ք։

–   Բանն այն է, որ սրտի հիվանդությունները խիստ կապված են գլխուղեղի հետ: Այսօր, երբ սեմինարին հավաքվել էին մեծ թվով պրակտիկ բժիշկներ, ովքեր նաև տարեց մարդկանց առողջությամբ են զբաղվում, օգտվելով առիթից` խոսեցինք հիվանդությունների կապի մասին: Տարեց մարդիկ հասարակության այն խումբն են, ովքեր ամենից շատ են տառապում սրտային հիվանդություններից, հիշողության և մտավոր թուլությունից: Շատ կարևոր է բժիշկներին բացատրելը, որ սրանք ոչ թե առանձին գործընթացներ են, այլ շաղկապված են միմյանց: Ես փորձեցի հնարավորինս մատչելի բժշկին կներկայացնել իմ փորձն այս ասպարեզում, հիվանդությունների կապն ու փոխազդեցությունը միմյանց, կարծում եմ բժշկի համար պարզ դարձավ այն ամբողջ շղթան, թե ինչպիսին պետք է լինի բուժման պրակտիկան:

–   Հոդային համախտանիշ: դիֆերենցիալ ախտորոշումից` բուժում. ինչու՞մն է խնդրի հրատապությունը։:

–   Երբեմն ասում են. «Մենք վաղուց արդեն չենք անհանգստանում հիվանդին տեսնելիս: Դե ևս մեկ հիվանդ…» Իմ ոչ փոքր աշխատանքային պրակտիկայի ընթացքում հասկացել եմ հակառակը:

Հոդային համախտանիշը, հոդի հիվանդությունն ամեն անգամ նոր քննություն է բժշկի համար: Եթե տեսնում եմ ուռած, կարմիր հոդ, ինձ համար քննություն է այն բանի համար, որ նման ախտանիշների առկայությամբ կարելի է մատնանշել մոտ 200 հիվանդություն: Բժիշկը պետք է ճիշտ կողմնորոշվի: Պետք է գիտակցել բոլոր հնարավոր տարբերակները` ինչի հետ կարող ենք գործ ունենալ: Բժիշկներից շատերը գիտեն, որ կարմրած հոդի ետևում կարող է լինել նույնիսկ հաստ աղիքի ուռուցք: Խոսեցինք նաև մեզ մոտ շատ տարածված մի երևույթի մասին, երբ Մալախով ազգանունով հայտնի մեկը խորհուրդ է տալիս իր այցելուներին կաղամբի թերթը թաթախել մեզի մեջ և դրանով փաթաթել հոդը: Բայց չէ՞ որ այդ կաղամբի տերևը չի գտնի դրա ետևում թաքնված խնդիրը, այն իրականում ոչ մի լուծում չի տա:

 
–   Իսկ առհասարակ բուժելի՞ են հոդային բոլոր հիվանդությունները:

–   Ոչ։ Կան հոդաբորբեր (արթրիտներ), որոնք հիանալի բուժվում են, բայց կան նաև այնպիսինները, որոնք, ցավոք, դասվում են մահացու հիվանդությունների շարքը:

–   Ախտորոշիչ փունջ հետդաշտանադադարային շրջանի պացիենտի մոտ. կմանրամասնե՞ք:

–   Մեր  այցելուների մեծամասնությունը կանայք են, իսկ տոկոսային առումով այդ կանանց 70%-ը 55-ն անց են: Կնոջ կյանքում սա շատ մի բարդ փուլ է, որը կոչվում է հետդաշտանադադարային: Այս փուլում կնոջ մոտ նվազում է  կանացի սեռական հորմոնների մակարդակը: Քանի որ կինն ամբողջ կյանքն ապրում է որոշակի հորմոնալ կարգավիճակում, և  այդ հորմոնալ կարգավիճակը պահպանում է նրան հիվանդություններից, բազմաթիվ տհաճ երևույթներից, ապա այդ հորմոնների աստիճանաբար պակասելը ռիսկային գործոն է, և բերում է տարբեր հիվանդությունների զարգանալուն, հաճախակի հիվանդանալուն:

–   Ի՞նչ կտա կոնֆերանսը պրակտիկ բժշկին:

–   Ամենակարևորն է, որ մեր հիվանդներն արդյունավետ և արագ բուժում ստանան: Դրա համար առաջին հերթին բժիշկը պետք է շատ ստույգ պատկերացում ունենա այն մասին, թե ինչ հիվանդության հետ գործ ունի և ինչ կտրուկ քայլեր են հարկավոր: Այս կոնֆերանսը մեծապես կնպաստի բուժման որակի լավացմանը:

Զրուցեցինք նաև կոնֆերանսի կազմակերպիչ «Գեդեոն Ռիխտեր» ԲԲԸ հայաստանյան ներկայացուցչության մենեջեր Լուսինե Բլուրցյանի հետ:

–   Ո՞րն է կոնֆերանսի նպատակը, ի՞նչ է ներկայացվելու այսօր:

–   Այսօր Մենք բացառիկ հնարավորություն ունեցանք լսելու բժշկության բնագավառում Ռուսաստանի ամենաառաջատար մասնագետներից մեկին` Իլյա Եգորովին: Նա ներկայացրեց 3 թեմա, որի ընթացքում պատմեց դեղամիջոցների համալիր նշանակման մասին ամենատարբեր հիվնդությունների, մեծամասամբ երկարատև հիվանդույթունների դեպքում, որի համար նախատեսված համալիր միջոցների մեջ մտնում են նաև «Գեդեոն Ռիխտեր» ընկերության դեղամիջոցները:

–   Հատկապես ո՞ր դեղամիջոցների մասին խոսվեց:

–   «Գեդեոն Ռիխտեր» ընկերության  «Էկվատոր» և «Կավինտոն» դեղամիջոցների մասին, որոնք հիշատակվեցին կարդիոցերեբրալ  համախտանիշի մասին դասախոսության մեջ: Իսկ ինչո՞ւ երկու կրակի միջև, որովհետև հիվանդը չգիտի, թե որ բժշկին դիմել այս ախտաբանության դեպքում: Սա և՛ սրտաբանական, և՛ նյարդաբանական խնդիր է: Դասախոսության երրորդ թեման շատ հետաքրքիր, ակտուալ թեմա էր, որտեղ խոսվեց նաև «Օստալոն» դեղամիջոցի կիրառման մասին:

–   Ի՞նչ եք ակնկալում կոնֆերանսից:

–   Շատ ուրախ ենք, որ պարոն Իլյա Եգորովը համաձայնեց մասնակցել մեր կազմակերպած սեմինարին: Այն մեկ անգամ ևս հնարավորություն տվեց սևեռել բժշկի ուշադրությունը շոշափվող թեմաներին, օգնել պրակտիկ բժշկին արագ ու ստույգ կողմնորոշվել ախտորոշման և բուժման գործընթացում, արդյունավետ լուծումներ գտնել:

Իլյա Եգորովի «Քրոնիկ հիվանդություններ. խնդրի արդյունավետ լուծում» դասախոսությունը Գյումրիում

Հարցեր, պատասխաններ, մեկնաբանություններ