Հայտնի են Մեդ-Պրակտիկ կայքում 2013 թ. ամենաորոնված բժշկի և գիտաբժշկական հոդվածի հեղինակի անունները, ամենափնտրված դեղագործական ապրանքանիշն ու բուժկազմակերպությունը

Հարգելի այցելուներ,

2012 թվականին, երբ լրացավ Մեդ-Պրակտիկ թիմի գործունեության մեկ տարին, այդ առիթով՝ հիմնվելով Google վիճակագրական համակարգի արդյունքների վրա, իրականացվեց մրցանակների շնորհում և մրցանակակիրների հետ հարցազրույցներ՝ բացահայտելու նրանց հաջողության գրավականն ու ապագա նպատակները:

Որոշում կայացվեց 2014 թվականից  այն դարձնել ավանդական և յուրաքանչյուր տարի արդյունքները ներկայացնել հանրությանը հին տոմարով Նոր տարվա օրը:

Ունենալով մրցանակի անվանակարգման ընտրության փորձ, հաշվի առնելով 1-ին մրցանակաբաշխությունից հետո արհեստականորեն այն խեղելու հնարավոր տարբերակները, վերանայվեց անվանակարգերը:

Այսպիսով՝ 2013 թվականի արդյունքներն ամփոփող անվանակարգերը.

• կայքում ԲԺԻՇԿՆԵՐ խորագրում գրանցված բժիշկներից (ըստ 2013թ. դեկտեմբերի 31-ի տվյալների՝ գրանցված են  3650 բժիշկներ) որոնման համակարգերով ամենահաճախ որոնված մասնագետը,

• կայքում ԿԱԶՄԱԿԵՐՊՈՒԹՅՈՒՆՆԵՐ խորագրում գրանցած կազմակերպություններից (ըստ 2013թ. դեկտեմբերի 31-ի տվյալների՝ գրանցված են  127-ը) որոնման համակարգերով ամենափնտրվածը,

• կայքում ամենաորոնված ապրանքանիշը դեղագործական ոլորտում,

• որոնման համակարգերով այցելուների կողմից ընտրված բանալի բառերի միջոցով կայքում տեղադրված ամենափնտրված բժշկա-գիտական հոդվածը (ըստ 2013թ. դեկտեմբերի 31-ի տվյալների՝ կայքում մուտքագրված են 1654 գիտական հոդվածներ):

Ստորև ներկայացնում ենք 2013 թվականի Google որոնողական համակարգի վիճակագրական տվյալների հիման վրա ստացված արդյունքները.

1-ին անվանակարգում. Քանաքեռ-Զեյթուն բժշկական կենտրոնի Պլաստիկ վիրաբուժության և միկրովիրաբուժության բաժանմունքի վարիչ ԿԱՐԵՆ ԴԱՆԻԵԼՅԱՆ:

google.com/analytics / AdWords / 01.01.2013 - 30.12.2013

2-րդ անվանակարգում. ԷՐԵԲՈՒՆԻ բժշկական կենտրոն

google.com/analytics / AdWords / 01.01.2013 - 30.12.2013

3-րդ անվանակարգում. ԿԱՏԻՈՆՈՐՄ ապրանքանիշը (Santen Pharmaceutical Co, Ltd դեղագործական ընկերություն)

google.com/analytics / AdWords / 01.01.2013 - 30.12.2013

4-րդ անվանակարգում. Նաիրի բժշկական կենտրոնի Քիմիոթերապիայի բաժանմունքի վարիչ, բ.գ.թ. ԼԵՎՈՆ ԲԱԴԱԼՅԱՆԻ «Вестник Хирургии Армении им. Г.С. Тамазяна» գիտաբժշկական պարբերականի 2010 թ. 3-րդ համարում տպագրված հոդվածը՝ «Паллиативная химиотерапия рака: основные понятия и особенности» վերնագրով:

google.com/analytics / AdWords / 01.01.2013 - 30.12.2013

ՇՆՈՐՀԱՎՈՐՈՒՄ ԵՆՔ ՄԵՐ ՄՐՑԱՆԱԿԱԿԻՐՆԵՐԻՆ

Երկու աշխատանքային շաբաթվա ընթացքում կայցելենք մեր մրցանակակիրներին և ապրանքանիշը կրող ընկերությանը՝ պարզելու նրանց հաջողության գաղտնիքները  և արդյունքների մասին կիսվելու մեր այցելուների հետ: Հանդիպումների ընթացքում մրցանակակիրներին կշնորհվեն ավանդական մրցանակները:

Հարցեր, պատասխաններ, մեկնաբանություններ