Կայացավ «Կորոնար անոթների քրոնիկ հիվանդություն» թեմայով սեմինարը

Հայաստանում «Գեդեոն Ռիխտեր» ԲԲԸ դեղագործական ընկերության ներկայացուցչությունը նոյեմբերի 5-ին էրեբունի պլազա հյուրանոցի կոնֆերանս դահլիճում կազմակերպեց սեմինար` «Կորոնար անոթների քրոնիկ հիվանդություն» թեմայով:

Սեմինարի մանրամասների մասին զրուցեցինք Գեդեոն Ռիխտեր դեղագործական ընկերության հայաստանյան ներկայացուցչության մենեջեր Լուսինե Բլուրցյանի հետ:

–   Լուսինե, այս սեմինարն ունեցել է նաև իր նախատիպը: Ի՞նչ է ենթադրում սեմինարների այս շարքը:

–   «Գեդեոն Ռիխտերը» շարունակում է զեկույցների շարքը` նվիրված ապացուցողական բժշկության հիմնավորումներին, նոր ուղեցույցներին: Մենք ներկայացրեցինք ուղեցույցներում առկա մի քանի տվյալներ` կապված կորոնար զարկերակների քրոնիկ հիվանդության հետ: Ուղեցույցները հնարավորություն են տալիս բժշկին՝ հեշտ կողմնորոշելու, թե որ իրավիճակում ինչ բուժում է հարկավոր հիվանդին: Սա անհամեմատ հեշտացնում է բժշկի աշխատանքը: Այս մասին իր զեկույցում անդրադարձավ Թիվ 1 համալսարանական հիվանդանոցի սրտաբան, բ.գ.թ. Հովհաննես Կժդրյանը: Ներկայացվեց նաև մարտին կայացած վարպետության կուրսի տվյալները ոչ ստերոիդային հակաբորբոքիչ դեղերի խմբի մասին, որպեսզի հասկանալի լինի, թե երբ և ինչ դեղամիջոց նշանակել, ինչ արդյունքի սպասել տարբեր իրավիճակներում:

–   Ի՞նչ դեղամիջոցներ են ներկայացվել այս կոնտեքստում:

–   Գեդեոն Ռիխտեր ընկերության դեղերից, մասնավորապես` «Աէրտալ» բրենդային դեղամիջոցը: Զեկույցում ներկայացվեց «Աէրտալ»-ի տեղը ոչ ստերոիդային հակաբորբոքիչ դեղերի շարքում և նրա արդյունավետությունն ու անվտանգությունն ապացուցող կատարված հետազոտությունների արդյունքներում: Դեղամիջոցը շատ լավ հայտնի է բժիշկներին, և ակտիվորեն կիրառվում է նրանց պրակտիկայում:

–   Մասնավորապես կորոնար զարկերակների քրոնիկ հիվանդության դեպքում ինչ է առաջարկում «Գեդեոն Ռիխտեր» ընկերությունը:

–   Կորոնար զարկերակների քրոնիկ հիվանդությունը պահանջում է համալիր լուծում, որը ենթադրում է միաժամանակ մի քանի դեղերի կիրառում՝ ընդհանրացված արդյունք ստանալու: Գեդեոն Ռիխտերի ներկայացրած դեղամիջոցների շարքը բավականին ընդգրկուն է, սակայն յուրաքանչյուր դեպք պահանջում է անհտական մոտեցում: Խոսեցինք նաև ստատինների մասին, մասնավորապես` ռոզովոստատին պարունակող «Մերտենիլ»-ի: Բետտա պաշարիչներից մենք ներկայացնում ենք «Բիդոպ» դեղը, սրտի մետաբոլիզմը կարգավորող՝ «Պրեդիզին»-ը:

Սեմինարի թեմայի մասին զրուցեցինք օրվա բանախոսի` Թիվ 1 համալսարանական հիվանդանոցի սրտաբան, բ.գ.թ. Հովհաննես Կժդրյանի հետ:

–   Բժիշկ Կժդրյան, ներկայացրեք խնդրե՛մ, Ձեր զեկույցի թեման:

–   Զեկույցը նվիրված է կորոնար զարկերակների քրոնիկ հիվանդությանը: Այն քիչ այլ կոնտեքստով է ներկայացվել: Մինչև 2006 թվականն այս հիվանդությունն ուղեցույցներում գնահատվում էր որպես կայուն ստենոկարդիա: 2013 թվականի ուղեցույցում այն որակավորվեց որպես կորոնար զարկերակների կայուն հիվանդություն, ինչն ավելի տրամաբանական է և հիմնավորված: Ըստ էության` կայուն ստենոկարդիան կորոնար զարկերակների քրոնիկ հիվանդության կլինիկական միայն մեկ արտահայտությունն է: Ցանկալի է, որ նոր անվանումը մտնի նաև մեր բժշկական փաստաթղթերի մեջ:

–   Ի՞նչ է ենթադրում կորոնար զարկերակների քրոնիկ հիվանդությունը:

–   Եթե Ձեզ ասեմ թոքաբորբ, դուք կհասկանաք, որ խոսքը բորբոքված թոքերի մասին է, եթե ասեմ` գաստրիտ, հասկանալի է, որ ստամոքսի բորբոքում է, դա էլ կորոնար զարկերակի հիվանդություն է: Եվրոպայում, ԱՄՆ- ում կիռառվում է coronary artery disease անվանումը:  Կորոնար զարկերակը հիվանդանում է աթերոսկլերոզով: Դա արտահայտվում է կորոնար զարկերակի լուսանցքում աթերոսկլերոտիկ թիթեղիկի առաջացումով, որը նեղացնում է զարկերակում արյան հոսքը, համապատասխանաբար՝ սրտամկանի արյան մատակարարումը:

–   Որպես պատճառ…

–   Աթերոսկլերոտիկ հիվանդության հրահրումը… Պատճառները շատ են՝ դիսլիպեդեմիա, զարկերակային հիպերտենզիա, շաքարային դիաբետ, ծխելը և այլ վնասակար սովորություններ…

–   Ի՞նչ վիճակագրություն կա` կապված հիվանդության հետ:

–   Որպես սրտի իշեմիկ հիվանդություն, այն սրտանոթայն հիվանդությունների շարքում մոտ 45-60%-ն է կազմում: Տարիքային խմբում ավելի խոցելի են 60-ն անց անձինք, իսկ սեռային խմբում` տղամարդիկ:

–   Բուժման տեսանկյունից՝ կա՞ն նորություններ:

–   Բուժման միջոցը համընդհանուր է և նորություն, որպես այդպիսին, այստեղ չկա: Նորությունները վերաբերում են հիվանդության վարման հիմնահարցերին: Մասնավորապես, հիվանդության վարումը պետք է սկսել հիվանդության նախաթեստային հավանականության գնահատումից, որը որոշում է հետագա անհրաժեշտ հետազտությունների և բուժական միջամտության ծավալը: Հաջորդ կարևոր նորությունը վերաբերում է կորոնար զարկերակների կայուն հիվանդության ինվազիվ միջամտության վերագնահատմանը: Մինչև 2006 թ. ուղեցույցը համարվում էր, որ կորոնար զարկերակների կայուն հիվանդության դեպքում ինվազիվ միջամտությունը հիվանդի ապրելիությունը չի երկարացնում, բարձրացնում է միայն հիվանդի կյանքի որակը: Նոր ապացուցողական տվյալների համաձայն ինվազիվ միջամտությունը բարելավում է հիվանդության ելքը բարձր ռիսկի հիվանդներ մոտ:   Համակարգված ներկայացրել եմ մի քանի մոտեցումներ, թե որ դեպքում ինչպես է պետք վարվել, ինչ բուժում նշանակել: Կան դեղորայքներ, որոնք նվազեցնում են մահացության ցուցանիշը, այսինքն` բարելավում են հիվանդության ելքը, և կան դեղորայքներ, որոնք նվազեցնում են հիվանդության ախտանիշները, այլ կերպ ասած` բարձրացնում են կյանքի որակը:

Հարցեր, պատասխաններ, մեկնաբանություններ