Կայացավ «Ցավային համախտանիշների բուժման ժամանակակից միտումները» թեմայով կոնֆերանսը

Օրերս կայացավ ցավային համախտանիշների բուժման ակտուալ հարցերին նվիրված գիտաբժշկական կոնֆերանս, որի կազմակերպիչն էր ռուսական
«Կանոնֆարմա Փրոդաքշն» ընկերությունը: Կոնֆերանսին հրավիրված էր Մոսկվայի Ռուսական ազգային հետազոտական բժշկական համալսարանի նյարդաբանության եւ նյարդավիրաբուժության ամբիոնի պրոֆեսոր Ելենա Չուկանովան, ով կոնֆերանսին ներկայացավ «Ցավային համախտանիշների բուժման ժամանակակից միտումները» թեմայով զեկույցով :

Ցավի առաջացման եւ բուժման ժամանակակից միտումներին վերաբերող մի քանի հարցերին պատասխանեց Ելենա Չուկանովան:

–   Ցավային համախտանիշները բազմազան են, ի՞նչ եք ներկայացրել այսօր:

–   Ես անդրադարձել եմ ցավային համախտանիշների առաջացման առանձնահատկություններին` ընդհանրապես, ցավի ժամանակ միջնորդ հանդիասացող գործոններին, ինչպես նաեւ ցավային համախտանիշների բուժման ժամանակակից մեթոդներին: Հասկանալու համար, թե դեղերի լայն շրջանակից հատկապես որը կհամապատասխանի պացիենտին, անհրաժեշտ է ուսումնասիրել ցավի բնույթը: Գոյություն ունի սուր ցավ, քրոնիկ ցավ, անմիջականորեն հյուսվածքների վնասման հետ կապված ցավ` պայմանավորված նյարդային համակարգի կենտրոնական հատվածների իրական կամ ենթադրյալ վնասման հետ եւ այլն: Այսպիսով, բուժման մոտեցումները բազմազան են, եւ այս կամ այն ցավի դեպքում նախընտրելի են համապատասխան դեղեր:

–   Ի՞նչ ժամանակային տևականություն կա սուր եւ քրոնիկ ցավերի միջեւ:

–   3 ամիս տևողությամբ ցավն ընդունվում է որպես սուր ցավ, ավելի տևողությամբ ցավը համարվում է քրոնիկ ցավ: Այսօր մասնագետների կողմից առաջարկներ կան նվազեցնելու սուրից քրոնիկ ցավի անցման ժամանակահատվածը մինչեւ կես ամիս: Ներկայում առանձնացվում է սուր, միջանկյալ եւ քրոնիկ ցավեր: 1.5-3 ամիս տեւողությամբ ցավերը դիտարկվում են որպես միջանկյալ: Ժամանակագրումը կապ ունի նաև ցավի ուժգնության հետ: Որքան շուտ ենք մարում ցավը, այնքան մեծանում է հիվանդի շանսը ` խուսափելու քրոնիկ ցավից:

–   Որո՞նք են քրոնիկ ցավերի առաջացման պատճառները:

–   Մեծ կարեւորություն ունի հուզական գործոնը: Արեւմուտքում, ընդհանուր առմամբ, հավասարության նշան է դրվում քրոնիկ ցավի եւ դեպրեսիայի միջեւ: Խնդիրը դեպրեսիայի հիմք հանդիսացող գործոններն են, որոնց, սովորաբար, ուղեկցում է քրոնիկ ցավը: Արդյո՞ք սկզբում եղել է դեպրեսիան եւ հանգեցրել քրոնիկ ցավի, թե՞ ժամանակին չհաղթահարված ուժեղ ցավն է բերել դեպրեսիայի: Օրինակ, ընդունվել են ցավի դեմ անհամապատասխան դեղեր, որոնք, ի վերջո, չեն վերացրել ցավը, ինչը հանգեցրել է դեպրեսիվ խանգարումների:

–   Ցավային համախտանիշը բժշկի պրակտիկայում. որքա՞ն հաճախ եւ ո՞ր բժշկին են դիմում պացիենտները:

Սա բազմաոլորտ խնդիր է: Ցավային համախտանիշներով դիմում են ցանկացած մասնագետի. թերապեւտի, ուռուցքաբանի, ինֆեկցիոնիստի, ռեւմատոլոգի, նյարդաբանի, սրտաբանի, գաստրոէնդերոլոգի, այսինքն, չկա բժշկական ոլորտի այնպիսի մասնագետ, որին չեն դիմում ցավի դեպքում:

–   Ցավի բուժման ի՞նչ ժամանակակից մեթոդներ կան:

–   Դա կրկին կախված է ցավի տեսակից: Եթե սուր ցավ է, ապա ավելի հաճախ ընդունում են ցավազրկողներ, ոչ ստերոիդային հակաբորբոքային դեղեր: Եթե առկա է քրոնիկ ցավ, որպես կանոն, ընդունում են հակադեպրեսանտներ, հակաէպիլեպտիկ կամ հանգստացնող դեղեր: Գոյություն ունեն նաև դեղեր, որոնք արդյունավետ կիրառվում են ե՛ւ սուր, ե՛ւ միջանկյալ, ե՛ւ քրոնիկ ցավերի դեպքում: Այդ դեղերի շարքում է Նեյրոդոլոնը (Neyrodolon), որն անցել է բազմաթիվ հետազոտություններ ու ցուցաբերել բարձր արդյունավետություն:

«Կանոնֆարմա Փրոդաքշն» ընկերության մասին եւ Հայաստանում ներկայացված դեղի վերաբերյալ զրուցեցինք ընկերության ներկայացուցիչ Յուլյա Մալուշկոի հետ:

–   Որքա՞ն ժամանակ է, ինչ ընկերությունը գործունեություն է ծավալում Ռուսաստանում, եւ ի՞նչ դեղեր է ներկայացնում դեղագործական շուկայում:

–   «Կանոնֆարմա փրոդաքշնն» արդեն քսան տարի է, ինչ ռուսական շուկայում է: Արտադրությունն իրականացվում է եվրոպական ամենաժամանակակից սարքերի եւ նյութերի միջոցով: Նեյրոդոլոն դեղի հումքը, որի շուրջ այսօր եղան քննարկումներ, նույնպես եվրոպական է (իսպանական):

–   Ի՞նչ սկզբունքով է աշխատում ընկերությունը :

–   Մեր ընկերությունն աշխատում է արդյունավետության, օպտիմալության եւ մատչելիության համադրության ստեղծման սկզբունքով: Մենք աշխատում ենք անմիջապես նյութերի արտադրությամբ զբաղվող, GMP (Good Manufacturing Practice) չափանիշներին համապատասխանող համաշխարհային լիդերների հետ:

Մեծ ուշադրություն է դարձվում նյութերի որակին: Մեզ մոտ մշտապես հավաքագրվում է դեղերի կողմնակի ազդեցություններին վերաբերող տեղեկատվություն: Մշտապես գործում է թեժ գիծը: Ավելին տեղեկատվություն ստանալու համար եւ դեղի ձեռքբերման հետ կապված հարցերի դեպքում առաջարկում ենք այցելել պաշտոնական կայք: Մեր ընկերությունն արտադրում է շուրջ 200 տեսակի դեղ: Մենք նպատակ ունենք ընդարձակել արտադրության ծավալները, քանի որ մեր դեղերը մրցունակ են թե՛ եվրոպական անալոգների, թե՛ մեր շուկայում արդեն գոյություն ունեցող դեղերի հետ: Մենք մշտապես հետեւում ենք, որպեսզի դրանք լինեն որակյալ եւ մատչելի:

–   Ի՞նչ դեղ է Նեյրոդոլոնը, ե՞րբ կարելի է այն ընդունել եւ որքանո՞վ է արդյունավետ:

–   Նեյրոդոլոնը կենտրոնական ազդեցության ցավազրկող է: Հիվանդների մոտ հանդիպող ցանկացած ցավի դեպքում կիրառելի է, բացառությամբ այն դեպքերի, երբ անհապաղ վիրաբուժական միջամտության ցուցում կա:  Դեղն անցել է կլինիկական փորձարկում 7 հազարից ավելի պացիենտների բուժման գործընթացում, և պացիենտների տարաբնույթ դեպքերում ապացուցել իր արդյունավետությունն ու անվտանգությունը: Այն կիրառելի է ցավի ցանկացած տեսակի դեպքում՝ վնասվածքների, հետվիրահատական շրջանում, ուռուցքային հիվանդությունների, գլխացավերի, ցավային տարբեր այլ համախտանիշների դեպքերում: Արթրիտը եւ արթրոզը բուժելիս այն կարող է օգտագործվել հակաբորբոքային ոչ ստերոիդային դեղերի համադրությամբ:

Իր ազդեցության մեխանիզմով նեյրոդոլոնը մյուս ցավազրկողներից էապես տարբերվում է նրանով, որ ցավազրկող արդյունավետությանը զուգահեռ` ունի նաեւ միոռելաքսացիա ապահովող եւ նեյրոպրոտեկտիվ ազդեցություն, այսինքն՝ կարող է ինքնուրույն խոչընդոտել ցավի քրոնիկական դառնալուն եւ պաշտպանական ազդեցություն ունենալ ինչպես ծայրամասային, այնպես էլ կենտրոնական նյարդային համակարգի վրա:

Դեղի կողմնակի ազդեցությունները նվազագույն են, հիվանդներն այն լավ են տանում եւ կարելի է ընդունել երկարաժամանակ: Մասնավորապես՝ դեղի փորձարկումների ընթացքում հիվանդների խումբն այն ընդունել է մեկ ամբողջ տարի, եւ լուրջ կողմնակի ազդեցություններ չեն առաջացել: Սա նեյրոդոլոնը շահեկանորեն առանձնացնում է ո՛չ ստերոիդային հակաբորբոքային դեղերից, որոնք ազդում են ինչպես սիրտ-անոթային համակարգի, այնպես էլ աղեստամոքսային համակարգի լորձաթաղանթի վրա եւ չեն կարող օգտագործվել երկարաժամանակ: Նեյրոդոլոնը դասվում է ոչ ափիոնային անալգետիկներին, եւ այս պատճառով դեղի համար սովորական դեղատոմս է դուրս գրվում, այլ ոչ հատուկ, ինչպես ափիոնայինների դեպքում: Սա շատ հարմար է ինչպես բժիշկների, այնպես էլ հիվանդների համար:

Ներկայում մեր ընկերության արտադրած դեղերի բազմաոլորտ խմբերից Հայաստանում գրանցված են միայն նյարդաբանական ոլորտի դեղերը, որոնք նշանակվում են դեպրեսիայի, դեմենցիայի, միգրենի ժամանակ:

Հարցեր, պատասխաններ, մեկնաբանություններ