Կաթնատամների հեռացումը. ցուցումներ, հակացուցումներ, հեռացման մեթոդներ

Կաթնատամների փոխումը հիմնական ատամների նորմայում տեղի է ունենում 6-13 տարեկան հասակում: Դա բնական գործընթաց է, երբ մշտական հիմնական ատամը դուրս է հանում ժամանակավոր կաթնատամին: Սակայն, լինում են իրավիճակներ, որոնց դեպքում անհրաժեշտ է այս գործընթացին միջամտել և կաթնատամները հեռացնել:

Հեռացման ցուցումներն են

• ատամների բարձր շարժունություն (արմատների նշանակալի ներծծման դեպքում),
• արմատների ներծծման դանդաղում, սուր բորբոքային հիվանդությունների դեպքում,
• ատամի նշանակալի վնասվածքի դեպքում:

Հեռացման խիստ ցուցում է

• շատ փչացած ատամը, քանի որ այն կարող է ինֆեկցիայի պատճառ հանդիսանալ:

Կաթնատամները հեռացվում են, եթե երեխայի մոտ առկա են.

• սիրտ-անոթային հիվանդություններ (առիթմիայի, էնդոկարդիտի, միոկարդիտի, պարոքսիզմալ տախիկարդիայի դեպքում` սրացման փուլերում),
• բերանի խոռոչի հիվանդություններ (ստոմատիտ, գինգիվիտ, հերպես),
• սուր ինֆեկցիոն հիվանդություններ (ՍՇՎ, գրիպ, կարմրուկ, քութեշ, թոքաբորբ, անգինա և այլն),
• կենտրոնական նյարդային համակարգի ախտահարումներ (մենինգիտ, էնցեֆալիտ, օլիգոֆրենիա, Դաունի հիվանդություն),
• արյան հիվանդություններ (լեյկեմիա, հեմոֆիլիա, չարորակ սակավարյունություն, սուր լեյկոզ),
• երիկամների հիվանդություններ, II-III փուլերում սուր ճառագայթային հիվանդություն, ալիմենտար դիստրոֆիա, ավիտամինոզ և ցինգա:

Բացարձակ հակացուցումներ

• Ատամների տեղակայումը ոսկրային հեմատոմայի հատվածում  կամ չարորակ ուռուցքի հատվածում:

Կաթնատամների հեռացման մեթոդը

Կաթնատամների հեռացումը ոչ մեծ վիրահատություն է, որի դեպքում խախտում են կաթնատամի պարօդոնտալ հանգույցները, որից հետո այն հեռացնում են ալվեոլից: Նախկինում կաթնատամների հեռացումը կարող էր հանգեցնել մշտական ատամի սաղմի վնասման, հնարավոր էր ձևավորվել ոչ ճիշտ ատամնանստվածք, դրա համար էլ մանկական ատամնաբույժները զգուշութւյամբ էին մոտենում կաթնատամների վաղ հեռացմանը:

Կաթնատամներին հատուկ են մորֆոլոգիական կառուցվածքի առանձնահատկությունները, դրա համար հեռացման տեխնիկան տարբերվում է հիմնական ատամների հեռացման տեխնիկայից: Կաթնատամներում  առկա է արմատների ավելի արտահայտված անհամապատասխանություն, ալվեոլի պատերը բարակ են, ատամնավզիկն արտահայտված չէ, ստորին մասում կարող են հիմնական ատամների սաղմեր լինեն:

Հեռացումը շատ զգուշորեն է կատարվում, մշտական ատամների սաղմերի վնասումից խուսափելու համար: Դրա համար օգտագործում են մանկական ատամների համար նախատեսված հատուկ աքցաններ, որոնք շատ ավելի խորք չեն մտնում:

Կաթնատամը հեռացնելուց հետո, անհրաժեշտ է մի քանի օր շարունակ մանրազնին հետևել բնիկի վիճակին` բարդություններից խւսափելու համար: Հնարավոր է բնիկի հատվածից արյունահոսություն և  դրա հյուսվածքներում բորբոքային գործընթաց սկսվի:

Հարցեր, պատասխաններ, մեկնաբանություններ