Բաղադրությունը

Ջուր` 83-85%, շաքարներ` 3.6-3.7%, ազոտային նյութեր` 0.8%, ճարպեր` 0.31-0.33%, էքստրակտային նյութեր` 12-12.5%, բջջաթաղանթ` 1.1-1.3%, մոխրային մնացորդ` 0.6-0.73%: Պարունակում է նաև մակրո-, միկրոէլեմենտներ, ֆերմենտներ, В խմբի վիտամիններ, С վիտամին:

Կիրառությունը

Թուզը բուժում է փորկապությունը, ստամոքսային հիվանդությունները, բարելավում է արյան կազմը, թոքերի ու երիկամների գործունեությունը, վերացնում է երիկամային քարերը, միզամուղ է, ունի հակաբորբոքային, հակամիկրոբային ընդունակություն:

Տերևների եփուկը միջնադարյան Հայաստանում օգտագործում էին հազի դեպքում, իսկ կաթի հետ եփելու դեպքում օգտագործվում էր կոկորդի ողողման համար: Թուզը հիանալի դիետիկ, սննդարար միրգ է, կարելի է կիրառել թզային մոնոդիետա` 7-14 օրով, որր խիստ օգտակար է հատկապես ստամոքսային հիվանդությունների ու սակավարյունության դեպքում:

Տերևներից արտադրվող հյութը` «կաթը», մեծ հաջողությամբ օգտագործվում է քսուքի տեսքով մաշկային հիվանդությունների, վերքերի բուժման նպատակով:

Ամիրղովլաթը նշում է, որ ամենաարժևքավորը սպիտակ թուզն է, այնուհետև` կարմիրր, սևը: Տերևներից, պտուղներից արտադրվող սպիտակ հյութը`«կաթը», ըստ նրա, բուժում է գորտնուկներից, վիտիլիգոյից (մաշկի պիգմենտացիայի կորուստ)` քսելու ձևով, օգտակար է երիկամային ու միզապարկի հիվանդությունների դեպքում: Ճյուղերից ստացված մոխիրով հոգնա են անում դիզենտերիայի, լուծի դեմ: Բույսի կաթը խմում են նաև կարիճի խայթոցի, շան կծածի դեմ (մեղրի հետ): Տերևները ծամելր մաքրում է ստամոքսը: «Կաթի» և մեղրի խառնուրդի կաթեցումը` աչքի մեջ, կանխում է կատարակտով հիվանղանալուց: Չափազանց արժեքավոր սնունդ է թզի չիրր: Չիրը` անանուխի, ուրցի հետ ուտելու դեպքում, մաքրում է միզապարկը, երիկամները: Թզի չիրը շատ օգտակար է ուտել ընկույզի հետ: Իսկ եթե չիրը եփվի 1 լ գինու քացախի հետ և 1 օր թողնվի, այնուհետև թրջոց դրվի փայծաղի շրջանում, շատ կօգնի բուժմանը:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com

Կարդացեք նաև.

ՀՈԴՎԱԾՆԵՐ

Թզենի – ficus l. Ficus L. - Ֆիկուս, բանիան, թուզ, գինու հատապտուղ