ՊԱՏՄՈՒԹՅՈՒՆԸ

Ինչպես բոլոր գյուղական համայնքներում, Լճաշենում ևս նախկինում բժիշկներ չեն եղել: Ազգաբնակչության բուժսպասարկման ողջ ծանրությունն իրենց ուսերին են կրել գյուղական հեքիմները, որոնց մեջ առանձնապես աչքի են ընկել ծննդաբերողներին օգնողները (տատմերները) և կոտրվածք ու հոդախախտում ուղղողները (սնղչիները):
1939 թ. դեկտեմբերին Օրդակլուում, ներկայիս Լճաշեն գյուղում բացվում է բուժկետ:
Հեղինակություն վայելող գյուղական հեքիմները տարիների իրենց փորձը փոխանցում էին նորավարտ բժիշկներին:
1950–ականների վերջերին գյուղում բացվում է հիվանդանոց: Հիվանդանոցը բուժօգնություն էր ցույց տալիս ինչպես թերապևտիկ հիվանդներին, այնպես էլ ծննդաբերողներին:

Սևանի կենտրոնական շրջանային հիվանդանոցը շահագործման հանձնելուց հետո դադարեցվում է գյուղում ստացիոնարի (հիվանդանոցի) գործունեությունը:
1960–ականների վերջին հիվանդանոցը լուծարվում է, իսկ հիվանդների ընդունելությունը ժամանակավորապես կատարվում է բնակարաններում կամ դպրոցում՝ Սևանի շրջանային հիվանդանոցից եկած բժիշկների միջոցով:

ԸՆԴՀԱՆՈՒՐ ՏԵՂԵԿԱՏՎՈՒԹՅՈՒՆ

Լճաշենի առողջության առաջնային պահպանման կենտրոնը սպասարկում է ՀՀ Գեղարքունիքի մարզի Լճաշեն, Չկալովկա և Նորաշեն համայնքների ավելի քան 4300 բնակչի, որոնցից 845 մանկահասակ երեխաներ են, իսկ մնացածը՝ մեծահասակներ։
Լճաշենի ԱԱՊԿ-ն գտնվում է 40 կմ հեռու մարզկենտրոնից և Սեւան քաղաքից՝ 5 կմ։
Նեղ մասնագիտական խորհրդատվության դեպքում հիվանդներն ուղեգրվում են Սեւանի ԲԿ:

Ընտանեկան բժշկի գրասենյակը կազմված է երկու ընտանեկան բժշկի կաբինետից, որոնք ունեն մանիպուլացիոն, լաբորատոր, իմունիզացիոն, համակարգչային և ադմինիստրատիվ կաբինետներ։ Լճաշենի ԱԱՊԿ-ն ունի նաև կաթսայատուն և մշտական ջրամատակարարում:

Լճաշենի ԱԱՊԿ-ում գործում է լաբորատորիա, որտեղ իրականացվում է գործիքային և լաբորատոր հետազոտություններ՝ արյան, մեզի ընդհանուր քննություներ, ինչպես նաև կղանքի բակ. քննութուն և գլյուկոմետրիա։

Կատարվում է նաև Էլեկտրոսրտագրություն։

Ընտանեկան բժշկության գրասենյակում իրականցվում է ազգաբնակչության կանխարգելիչ հետազոտությունները և կանխարգելիչ պատվաստումները, որոնց համար հատկացված են համապատասխան կահավորված սենյակներ։