Երկարակեցության ու առողջության տիբեթյան բաղադրատոմսեր

Տիբեթյան բժշկությունն ամենահինն է աշխարհում, իսկ նրա առաջարկած բաղադրատոմսերը` բազմաթիվ, տարբեր դեպքերի համար:
Այս միջոցն օգտագործվում է արյունատար անոթները ճարպային նստվածքներից ազատելու, կաթվածն ու սրտի հիվանդությունները կանխելու համար:

Ըմպելիք արյունատար անոթների ու սրտի համար

Բաղադրությունը.

• 1 կգ կիտրոն,
• 300 սխտոր:

Կիտրոնը լվանալ ու կեղևով մանրացնել, սխտորը` նույնպես: Խառնուրդի վրա լցնել 1,5 լ եռացրած ջուր ու փակ բերանով ամանի մեջ 15-20 րոպե եռացնել թույլ կրակի վրա: Ստացվածը պահել ապակյա տարայի մեջ, զով տեղ:

Կիրառումը: Օգտագործել 25 օր 50-ական մլ, ապա 10 օր ընդմիջումից հետո նույնը կրկնել: Կանխարգելման նպատակով այդ թուրմը պետք է կիրառել տարեկան 2 անգամ, կես տարին մեկ:

Ուժերը վերականգնող թեյ

Այս միջոցն օգնում է հանգստանալ ու թուլանալ, վերացնում է հոգնածությունն ու սթրեսը, համարվում է, որ այն օրգանիզմի աշխատունակությունն ու կյանքի տևողությունն է ավելացնում:

Բաղադրությունը.

• 5 գ քերած կոճապղպեղ,
• 1 ճ/գդալ կիտրոնահյութ,
• 2 ճաշի գդալ մեղր (բնական),
• մի պտղունց կծու պղպեղ,
• նույնքան` սամիթ:

Պատրաստման եղանակը: Ջուրը եռման աստիճանի հասցնել, ապա եռացնել 5 րոպե: Հովացրած ջրի մեջ լցնել բոլոր բաղադրիչները:

Կիրառումը: Ոչ մեծ քանակությամբ (30 մլ) թեյ խմել օրվա ընթացքում, ուտելուց առաջ: Բացի այդ, այս թուրմն օգնում է ճնշել ախորժակը, հետևաբար օգնում է քաշ գցել:

Մարմնի երիտասարդացման համար

Սա սխտորի, մեղի ու կիտրոնի խառնուրդ է, որն օգտագործվում է որպես ոգեթուրմ: Արդյունավետ կերպով դանդաղեցնում է ծերացումը:

Բաղադրությունը:

• 10 գլուխ սխտոր,
• 10 կիտրոնի հյութ,
• 1 կգ մեղր:

Պատրաստումը: Մանրացրած սխտորը խառնել մեղրի ու կիտրոնահյութի հետ, լցնել բերանը փակ ապակյա տարան ու թողնել 8-10 օր:

Կիրառումը: Պատրաստի խառնուրդն օգտագործել մեկ ճաշի գդալ` օրական 2 անգամ. ցերեկն ու երեկոյան` ընթրիքից առաջ: Այս բաղադրատոմսն ամրապնդում է իմունիտետը:

Ինչու՞ են այս բաղադրատոմսերն արդյունավետ

Բաղադրատոմսերի արդյունավետությունը պայմանավորված է բուժիչ բաղադրիչներով: Մեղրը,սխտորն ու կիտրոնն առանձին-առանձին բազմաթիվ առավելություններ ունեն առողջական տեսանկյունից:

Սխտորը պաշտպանում է արյունատար անոթները, կարգավորում արյան ճնշումը, խոլեսթերինի մակարդակն ու նվազեցնում կաթվածների ու սրտի հիվանդությունների հավանականությունը: Պաշտպանում է քաղցկեղներից ու մի շարք քրոնիկ հիվանդություններից: Թեթևացնում է գրիպի ախտանշանները, սպանում աղիքային մակաբույծները, ոչնչացնում սնկերն ու վարակները, ամրացնում իմունային համակարգը, դանդաղեցնում ծերացման գործընթացը, սթրեսն ու թուլացնում լարվածությունը:

Կիտրոնը հակաօքսիդանտ ու հակաբորբոքային հատկություն ունի, արյան մեջ կարող է մինչև 24 ժամ պահպանվել, պաշտպանում է ուռուցքներից: Կանխում է արյունատար անոթների պատերին խոլեսթերինային նստվածքի գոյացումը, նպաստում դրա մակարդակի նվազեցմանը: Պաշտպանում է ուղեղն ու կանխում սրտի նոպաները: Կիրառվում է որպես ուժեղ հակաօքսիդանտ:

Մեղրը նույնպես հակաօքսիդանտ է, որը հակաբիոտիկ հատկություն ունի: Օրգանիզմը պաշտպանում է վնասակար նյութերից, իսկ դեղաբույսերի հետ կիրառելու պարագայում մեղրի օգուտը կրկնապատկվում է:

Հիշեցման թերթիկ

Որ մթերքում ի՞նչ վիտամիններ, հանքանյութեր ու սննդարար նյութեր են պարունակվում.

Սպիտակուց. կաթնամթերք, հատիկավորներ (ոսպ, լոբի), ծովամթերք:

Օմեգա-3. կտավատի թարմ ձեթ, ընկուզեղեն, ձկան յուղ, յուղոտ ձկնամիս:

Երկաթ. հնդկացորենի շիլա, հաց` չմաղած ցորենից, մուգ կանաչ բանջարեղեն (հատկապես սպանախ), հատիկավորներ (հատկապես` ոսպ), ընկույզ ու արևածաղիկ, վարսակաձավար, չրեր (հատկապես թուզ և ծիրան), ձու:

Երկաթի յուրացմանը խանգարում են ֆիթինաթթուն (պարունակվում է հացահատիկում, հատիկավորներում), թեյը, սուրճն ու կակաոն ու որոշ համեմունքներ, ուստի սուրճն ու թեյը կարելի է խմել երկաթով հարուստ սնունդն ընդունելուց կես ժամ հետո:

Վիտամին B₁₂. կա ձվի, կաթնամթերքի մեջ (պանիր), ինչպես նաև դրանով հարուստ են մարգարինը, չոր նախաճաշերը, խեցգետիններն ու ոստրեները:

Կալցիում. պանիր, 9%-անոց կաթնաշոռ, յոգուրտ ու այլ կաթնամթերք, հատիկավորներից` ոլոռ, կանաչ ոլոռ, ոսպ, սոյա, լոբի, կանաչ տերևավոր բանջարեղեն (սպանախ, մաղադանոս, հազար), գազար, բազուկ, բողկ, ծնեբեկ, կաղամբ, խորոված կարտոֆիլ, արևածաղիկ (քնջութի, արևածաղկի, վուշի սերմեր), չրեր, ընկույզ: Մրգեր ու հատապտուղներ,խնձոր, բալ, հաղարջ (կոկռոշ) նարինջ, դեղձ ու խաղող, ծիրան ու մորի:

Կալիումի աղբյուր են նարինջը, ադամաթուզը, դդումը, ձմերուկը, խորոված կարտոֆիլը, հատիկավորները (ոլոռ, ոսպ), գազարը, ավոկադոն, սպանախը, վարունգը, նեխուրը, ծնեբեկը, ծովաբողկը (хрен), կաղամբն ու թուրինջը, լոլիկն ու ծիրանաչիրը, չամիչն ու սև սալորաչիրը, տարեկանի հացն ու սպիտակ վարսակաձավարը:

Նման հուշաթերթիկը կօգնի ձեզ գնումներ կատարելիս: Պետք է հիշել, որ վիտամինների անբավարարությունը վատ ազդեցություն է թողնում ամբողջ օրգանիզմի աշխատանքի, սիրտ-անոթային, նյարդային համակարգերի վրա, հանգեցնում արտաքին տեսքի ու ինքնազգացողության վատացման: Օրգանիզմը լիարժեք սննդի կարիք ունի: Դա վերաբերում է թե՛ բուսակերներին, թե՛ հումակերներին ու նրանց, ում մտահոգում է սննդի որակը:

Հարցեր, պատասխաններ, մեկնաբանություններ