Med-Practic
Նվիրվում է վաստակաշատ ուսուցիչ Գրիգոր Շահյանին

Իրադարձություններ

Հայտարարություններ

Մեր հյուրն է

Հրատապ թեմա

 

ԼՈՒՐԵՐ: Իրադարձություններ Հայաստանում

Գլխավոր
Տեսասրահ

Ապացուցողական բժշկությունը Հայաստանում. մի՞ֆ, թե՞ իրականություն

Ապացուցողական բժշկությունը Հայաստանում. մի՞ֆ, թե՞ իրականություն

Այսօր մենք բժշկության մեջ բարդ տեխնոլոգիաների և հստակ մեթոդների ներդրման վկաներն ենք: Սա թելադրում է անցում բժշկական գործունեության նոր որակի, նրա արդյունավետության բարձրացման: Ընդ որում նկատի են առնվում այդ ուղղության ինչպես մարդասիրական ասպեկտները, այնպես էլ տնտեսական՝ հիմնված ազգային ռեսուրսների ռացիոնալ օգտագործման վրա, ուղղված առողջության պահպանմանը: Նման մոտեցման դեպքում կարևոր է հավասարակշռությունը տնտեսության, նպատակահարմարության և մարդասիրական ուղղությունների միջև:


Հոկտեմբերի 18-ին ՀՀ Առողջապահության նախարարության ակադ. Ս. Խ. Ավդալբեկյանի անվան առողջապահության ազգային ինստիտուտում (ՀՀ ԱՆ ԱԱԻ) իր աշխատանքները սկսեց` «Ապացուցողական բժշկությունը Հայաստանում. միֆ թե՞ իրականություն» թեմայով միջազգային կոնֆերանսը, համակազմակերպիչներից են նաև ՀՀ ԱՆ Հանրապետական գիտաբժշկական գրադարանը։ Այդ կարևորագույն միջոցառման կազմակերպիչն էր բ.գ.դ., պրոֆ. Ռուբեն Հովհաննիսյանը:
 
Աջակցության և խրախուսանքի խոսքերով հանդես եկան ՀՀ ԱՆ և ՀՀ ԵՊԲՀ, ինչպես նաև ՀՀ Գիտությունների ազգային ակադեմիայի ներկայացուցիչները: Ներկաներին ողջույնի խոսքեր հղեց նաև ՀՀ ԱՆ ԱԱԻ տնօրեն Պարունակ Զելվեյանը. «ԱԲ վերջին 10 տարիների ընթացքում, իհարկե, շատ դժվար, բայց արգասաբեր ճանապարհ է անցել և, ի ուրախություն մեզ, արդեն կարողացել է մտնել շատ բժիշկների աշխատանքի ձևի մեջ: Մոտակա ժամանակներում մենք ակնկալում ենք, որ ԱԲ փիլիսոփայությունը հասանելի և ընկալելի կլինի հանրապետության ողջ բժշկական հանրության համար: Անհրաժեշտ է անցնել ԱԲ նոր աստիճանի, որը, իհարկե, մեզանից պահանջում է նոր ջանքեր, նպատակասլացություն և նախանձախնդիր վերաբերմունք... »:

 

 

Ներածական խոսք տրամադրվեց բժշկական գիտությունների դոկտոր պրոֆեսոր Վասիլ Վլասովին. «Այսօր ես ողջունում եմ որպես ՌԴ Ապացուցողական բժշկության մասնագետների միության նախագահ և ցանկանում նշել, որ ԱԲ դժվար ճանապարհ է անցնում բոլոր երկրներում, հատկապես` հետխորհրդային տարածքի երկրներում: Սակայն վերջին տարիներին զգալի առաջընթաց է գրանցվել: Բժիշկները, ովքեր կարևորում են ԱԲ, հնարավորություն ունեն տեղեկատվություն ստանալու համացանցային բազմաթիվ հրատարակումների միջոցով»։
Պրոֆ. Ռուբեն Հովհաննսիյանը ` ելնելով 2003 և 2012 թթ. վիճակագրական տվյալներից, խոսեց վերոնշյալ ոլորտում բնակչության տեղեկացվածության, մասնավորապես` այդ գործընթացում նկատելի դրական փոփոխությունների մասին:


ԱԲՄ նախագահ, պրոֆ. Ռուբեն ՀովհաննսիյանՌուբեն Հովհաննսիյանը ներկաներին տեղեկացրեց կոնֆերանսի կոնցեպցիայի և օտարերկրյա գործընկերների մասնակցության մասին։ Ներկայացված գործընկերների թվում էին Սավելիյ Եվելևիչ Բաշինսկին, Նիկիտա Ալեքսանդրովիչ Զորինը, Վասիլիյ Պետրովիչ Լեոնովը, Տատյանա Միխայլովիչ Կլիմովան, Ելենա Նիկոլայևնա Նովիչլովան, Բասիլիյ Վիկտորովիչ Վլասովը, Կոնստանտին Պետրովիչ Վորոբյովը, Էսթեր վան Զուրենը, Զբիս Ֆեդորովիչը, Օտմար Մելլեղը, ինչպես նաև մեր հայրենակիցներ Դիանա Անդրեասյանը, Կարինե Առուստամյանը և Անահիտ Հայրապետյանը…

 

Հանդիսավոր բացմանը հաջորդած ընդմիջմանը, զրուցեցինք Հայաստանում բ.գ.դ., պրոֆեսոր Ռուբեն Հովհաննիսյանի հետ:


–   Պարո՛ն Հովհաննսիյան, շնորհավորում ենք Ձեզ `այսօրվա միջոցառման կապակցությամբ, որպես Ձեր առջև դրված նպատակը տանող կարևոր քայլերից մեկը: Ի՞նչ ճանապարհ է անցել ԱԲ-ն Հայաստանում, ի՞նչ դժվարություններ է ապրել ու վերապրել:


–  Հետաքրքիր հարց է, առաջին հերթին` ինձ համար: Եթե նայենք, թե ինչպիսի ճանապարհ են անցնում բարեփոխումները, օրինակ, հենց բժշկության ոլորտում, ապա պետք է նշել, որ կարևոր դերակատարում ունի ոչ միայն ֆինանսավորումը, այլև նորամուծությունների ներդրման մեթոդիկան: Հիմնախնդիրը համարում եմ բժիշկների անտեղյակությունը` չեն կարդում, չեն ցանկանում հայտնվել աշխարհում տեղի ունեցող իրադարձությունների կենտրոնում: Կենցաղային խնդիրները, դժբախտաբար, հաճախ գերազանցում են, և մասնագիտական վերապատրաստման հարցը անլուծելի է մնում:


Հաջորդ խնդիրը բժիշկների նոր մեթոդներն ընդունել չցանկանալն է. հին, բայց ժամանակի ընթացքում փորձված բուժման միջոցները խորն են նստած շատ բժիշկների ենթագիտակցության մեջ: Նորամուծությունները չեն կարող բռնի կիրառվել, անհնար է ներդրման անցնել կառավարության որոշմամբ կամ մեկ հրամանով, դրանով միայն կվնասենք, ինչ մենք անվանում ենք հայրենական բժշկություն, դրանով իսկ կփլուզենք համակարգը: Այդ է պատճառը, որ ընտրել ենք ԱԲ աստիճանական ներդրման ճանապարհը մի համակարգում, որը ձևավորվել է տասնամյակների ընթացքում:


–   Ինչով՞ եք Դուք առաջնորդվել և ինչպիսի՞ նպատակներ եք հետապնդել Ձեր կողմից նշված աստիճանական ներդրման ճանապարհին:


–   Մեր հիմնական խնդիրը ԱԲ ներդրումն է ուսուցողական գործընթացների մեջ: Արդեն 5 տարի է, ինչ  հնարավորություն ունեմ բուհերում ԱԲ դասավանդել: Սակայն անհրաժեշտ են փոփոխություններ, որոնք մեր երկրի բժշկական կրթությունը առավելագույն կմոտեցնեն եվրոպական երկրների կրթական համակարգին, ինչն էլ, անկասկած, կհանգեցնի միջազգային արգասաբեր փոխհամագործակցության:


–   Ի՞նչն եք համարում  10-ամյա աշխատանքի կարևոր նվաճումը:


–   Ամսագիրը: Անկասկած` ամսագիրը, Հանրապետական գիտաբժշկական գրադարանի հետ համատեղ: Այսօր դա շատ կարևոր գործընթաց է, քանի որ մենք կարող ենք ԱԲ հարցերի շուրջ որակյալ տեղեկատվություն տրամադրել ուսանողներին, ասպիրանտներին, կլինիկական օրդինատորներին:


–   Ի՞նչ նպատակներ եք  դրել Ձեր առջև մոտ ապագայում:


–   Առաջին հերթին պետք է համագործակցության եզրեր գտնել օտարերկրյա գործընկերների հետ, որտեղ ԱԲ դարձել է բժիշկների կարևորագույն գործիք` բուժման ասպարեզում: Կարևոր գործընկեր եմ համարում Ռուսաստանի Դաշնությանը, քանի որ չկան լեզվական, քաղաքական, մաքսային խոչընդոտներ: Ռուսաստանում գործող ԱԲՄ ներկայացնում է պրոֆեսոր Վլասովը, ով այսօր ներկա է:


–   Հնչեղ խորագրի ներքո այսօր հավաքվել է բժշկական հասարակություն: Պրոֆեսոր Հովհաննիսյան, ի՞նչ եք կարծում՝ մի՞ֆ, թե՞ իրականություն է ԱԲ Հայաստանում:


–   Սաղմն արդեն կա, իսկ թե ինչպե՞ս կընթանան հաջորդ 9 ամիսները, մենք միասին կհետևենք:


ՌԴ ԱԲՄ նախագահ, բժշկական գիտությունների դոկտոր, պրոֆեսոր Վ.Վ. ՎլասովԱյնուհետև հնարավորություն ունեցանք զրուցելու Ռուսատանից մեզ մոտ ժամանած, ԱԲ բարեփոխումների անցկացման մեծ փորձ ունեցող, ՌԴ ԱԲՄ նախագահ, բժշկական գիտությունների դոկտոր, պրոֆեսոր Վ.Վ. Վլասովի հետ։


–   Վասիլի Վիկտորովիչ, Դուք անմիջական մասնակցություն եք ունեցել ու անցել եք ԱԲ կայացման ճանապարհը, ինչպե՞ս եք գնահատում ԱԲ ներկան Ռուսաստանում:


–   Ցավալին այն է, որ ԱԲ ամենուրեք ընկալում են որպես բժշկություն, և որն իրեն կարող է թույլ տալ միայն հարուստ մարդը, ում հասանելի են թանկարժեք սարքավորումներն ու դեղամիջոցները: Դա այդպես չէ: ԱԲ հիմնված է գիտության վրա, անգամ եթե օգտագործում ենք հասանելի միջոցներ: ԱԲ չի հետապնդում անհատ անձանց շահերը, դա ողջ ժողովրդի, առողջապահության համակարգի, կառավարության գործն է, դա համընդհանուր գործ է: Յուրաքանչյուր լումա պետք է ներդրվի ախտորոշումների գործընթացի ճիշտ կազմակերպմանը, սարքավորմների, դեղամիջոցների ձեռք բերմանը, որոնք իրապես կաշխատեն: Մեզ մոտ Ռուսաստանում, ցավոք, միջոցների մեծ մասը ներդրվում է դեղամիջոցների վրա, որոնք իրականում անարդյունավետ են: Ծանր պայմաններում են պոլիկլինիկաները, որտեղ կան պարապուրդի մատնված բաժանմունքներ այն դեպքում, երբ ԱԲ սկզբունքները հնարավոր է օգտագործել ամենուր`ի շահ համընդհանուր բարօրության:


Կոնֆերանսի նման յուրահատուկ անվանումը թույլ է տալիս մեկ անգամ ևս փաստել, որ Ապացուցողական Բժշկությունն իրականություն է, որն անհրաժեշտ է բոլորին՝ անկախ ֆինանսավորումից:


–   Արդյո՞ք դուք համարում եք, որ առողջապահության մեր համակարգը պատրաստ է որդեգրել ԱԲ՝ իր բոլոր դրսևորումներով:


–   Ես հայկական բժշկության մեծ գիտակ չեմ, բայց կարևորն այն է, որ դա իրապես գոյություն ունեցող համակարգ է` իր բոլոր խնդիրներով և նվաճումներով, և դա բավարար է նոր մեթոդների ներդրման համար: Չէ՞ որ, եթե մտածենք` ԱԲ այն է, ինչ ամենաշատն է անհրաժեշտ հիվանդին։ «Բժի՛շկ, բուժեք ինձ նրանով, ինչն իրապես օգնում է»,- կասի նրանցից յուրաքանչյուրը: Դրանում է ԱԲ հիմնական փիլիսոփայությունը:

 

–   Վասիլի Վիկտորովիչ, այսօր Դուք հանդես եք գալիս շատ կարևոր զեկույցով՝ ԱԲ պայմաններում դեղամիջոցներով ապահովման հիմնախնդրով: Ի՞նչ խնդիրներ եք վերլուծում զեկույցում:

 

–   Դժբախտաբար, Խորհրդային Միության ավանդույթները, որոնք շարունակում են ապրել մեր երկրներում, նպաստում են անորակ դեղերի օգտագործմանը: Երբ գործը հասնում է բուժման ֆինանսավորմանը, օրինակ` ապահովագրված մարդկանց, հաճախ տրամադրվում են դեղեր, որոնց արդյունավետությունն ապացուցված չէ: ԱԲ նպատակն է` տրամադրել իրապես աշխատող, ոչ թանկարժեք դեղամիջոցներ: Մեր երկրներում օգտագործվում են նաև չհիմնավորված թանկարժեք դեղամիջոցներ` բոլորին հայտնի պատճառներով, երբ դեղագործական ընկերությունը պատկանում է որևէ չինովնիկի ու ամբողջ համակարգը նրա համար է աշխատում: Այդ կերպ շրջանակը պարփակվում է: Սկզբունքորեն գիտական վերլուծությունը խիստ օգտակար է առողջապահության համակարգի համար: Հենց այս խնդիրներն էլ պատրաստվում եմ ներկայացնել  իմ զեկույցում:

 

 

 


–   Մեր պայմաններում ինչքանո՞վ և ինչպե՞ս կարող է բժիշկը ազդել այդ պարփակ շրջանակի վրա:


–   Այդ համակրգը, իհարկե, միայն բժիշկներից չէ, որ կախված է: Բայց բժիշկը կենտրոնական տեղ է զբաղեցնում. նա է գրում դեղատոմսը, դրանում էլ նրա զենքն է: Մի կողմից այդ փաստը բժշկին դնում է բարդ իրավիճակում, մյուս կողմից հնարավորություն է տալիս պայքարել թանկ, չաշխատող դեղամիջոցների դեմ: Այդ առումով էլ նախընտրելի է ԱԲ, որը հիմնվում է ոչ թե հայ ժողովրդի դարավոր իմաստության, այլ հայ բժշկի գիտելիքի և ազնվության վրա։


–   Դուք՝ որպես փորձառու մարդ, ինչպիսի՞ քայլեր խորհուրդ կտաք ձեռնարկել ԱԲ ասպարեզում:


–   Պրոֆեսոր Հովհաննիսյանը ճիշտ ճանապարհին է, քանի որ հենց ուսուցողական գործընթացերն են կենտրոնական համարվում: Սակայն հասարակությանն անհրաժեշտ է Գիտությունների ակադեմիայի աջակցությունը՝ որպես գիտական հենք: Հեշտ ճանապարհներ չկան: Ձեզ ցանկանում եմ մեծ հաջողություն, Ձեր բժշկությունը թող հզորանա:

ՀՀ ԱՆ ԱԱԻ տնօրեն Պարունակ ԶելվեյանՔանի որ կոնֆերանսի համակազմակերպիչն է Առողջապահության ազգային ինստիտուտը, մենք չէինք կարող չանդրադառնալ ինստիտուտի տնօրենի՝ Պարունակ Զելվեյանի վերաբերմունքին:


–   Պարո´ն Զելվեյան, Ձեր տեսակետը Հայաստանում ԱԲ կայացման վերաբերյալ: Որքանո՞վ է մեր առողջապահական համակարգը պատրաստ այն ընդունելու և կիրառելու:


–   Պատրաստ կամ անպատրաստ լինելու հարց չկա, համակարգն էլ չի կարող պատրաստ կամ անպատրաստ լինել, XXI դարի բժշկությունը պետք է հիմնված լինի միայն ԱԲ վրա: Դա ցանկության կամ պատրաստակամության հարց չէ, դա անհրաժեշտություն է՝ ժամանակի կողմից թելադրված։ Անհրաժեշտ է գիտակցել, որ ցանկացած բժշկական միջամտություն պետք է ապացուցողական բարձր արժեք ունենա: Եթե որևէ բուժական մեթոդ, բժշկական սարքավորում, դեղորայք կիրառվում են առօրյայում, ապա անհրաժեշտ նախապայման է, որ նրանք գիտականորեն հիմնավորված լինեն, այլապես բժշկական պրակտիկայում կիրառելը լուրջ հարցադրումների տեղիք է տալիս: Միայն էմպիրիկ ճանապարհով ձեռք բերված գիտելիքները XXI դարի բժշկության մեջ տեղ չունեն` հատկապես դեղամիջոցների կիրառման բնագավառում, որոնց ազդեցության նույնիսկ ամենանուրբ մեխանիզմները պետք է մանրակրկիտ հետազոտվեն ու ապացուցվեն բոլոր հնարավոր միջոցներով: Արդեն վաղուց եկել է առօրյա մասնագիտական գործունեության մեջ ուղեցույցներով ուղղորդվելու ժամանակը, քանզի ժամանակակից միջազգային ուղեցույցները խստորեն հիմնված են միայն ԱԲ վրա։ Ակնհայտ է և քննարկման ենթակա չէ հետևյալը. եթե մենք ցանկանում ենք ունենալ որակյալ ու արդյունավետ բժշկություն, մենք պարտավոր ենք հիմնվել ԱԲ վրա: Դա միակ ճանապարհն է:

 

–   Որքա՞ն ժամանակ է անհրաժեշտ մեր բժշկության մեջ ԱԲ ինտեգրման համար:


–   Միանշանակ դժվար է ասել: Բժիշկներն իներցիոն հասարակություն են, շատ դժվար է նրանց «տեղից շարժել»…. Անհրաժեշտ առաջին պայմանը հիվանդությունների վարման ուղեցույցների հայկական տարբերակների ստեղծումն է, որոնք կնկարագրեն ախտորոշման և բուժման գործընթացները, այնուհետև, տարբեր կրթական միջոցառումների միջոցով, դրանց ներդրումը բժիշկների աշխատանքային պրակտիկայում:


–   Կոնֆերանսի ժամանակ Դուք ասացիք, որ ինստիտուտը նախատեսում է ուղեցույցների հրատարակում: Ե՞րբ հասանելի կլինի առաջին ուղեցույցը։

 

–   Գործընթացն սկսված է, սակայն դժվարանում եմ հստակ ժամկետներ նշել, թե երբ պատրաստ կլինի ողջ փաթեթը։ Նախատեսվում է մինչև տարեվերջ նվազագույնը յոթ ուղեցույցի նախապատրաստումը:

Հեղինակ. Նիկա Բաբայան
Սկզբնաղբյուր. med-practic.com
Հոդվածի հեղինակային (այլ սկզբնաղբյուրի առկայության դեպքում՝ էլեկտրոնային տարբերակի) իրավունքը պատկանում է med-practic.com կայքին
Loading...

 

Հետևե′ք մեզ ֆեյսբուքում

  ԽՄԲԵՐ   ԷՋԵՐ      

Med-Practic.com
Med-Practic Հոգեկան
առողջություն
 
Կլինիցիստ Գիտական
բժշկություն
Ոչ ավանդական
բժշկություն
 
ԳԼԽԱՎՈՐ
ԷՋ
Կոսմետոլոգիա Սեռական
առողջություն
 
Share |

Հարցեր, պատասխաններ, մեկնաբանություններ

Կարդացեք նաև

13-15-ը դեկտեմբերի, «Ճարպակալում. 2-րդ միջազգային միջմասնագիտական գիտաժողով»
13-15-ը դեկտեմբերի, «Ճարպակալում. 2-րդ միջազգային միջմասնագիտական գիտաժողով»

Տարեցտարի աճող այս հիվանդությունն արդեն համարվում է ոչ վարակային պանդեմիա...

Իրադարձություններ Հայաստանում
Սեռակրթությունը պետք է լինի տեղին, ժամանակին և գրագետ. դասախոսություն՝ բժշկական մայր բուհում
Սեռակրթությունը պետք է լինի տեղին, ժամանակին և գրագետ.  դասախոսություն՝ բժշկական մայր բուհում

ԵՊԲՀ-ում անցկացվեց դասախոսություն «Անվտանգ սեռական վարքագիծ» թեմայով՝ կազմակերպված սեռական առողջության հիմնախնդիրներին նվիրված կրթական ծրագրի...

Իրադարձություններ Հայաստանում
Իզմիրլյան բժշկական կենտրոնը՝ նաև միզաքարային հիվանդության գերազանցության կենտրոն. Արթուր Գրաբսկի
Իզմիրլյան բժշկական կենտրոնը՝ նաև միզաքարային հիվանդության գերազանցության կենտրոն. Արթուր Գրաբսկի

Իզմիրլյան բժշկական կենտրոնի ուրոլոգիական կլինիկան ընթանալով տարածաշրջանային առաջատարության ճանապարհով վերջերս ձեռք է բերել մեկ միլիոն ԱՄՆ դոլար արժողությամբ...

Իրադարձություններ Հայաստանում
«Սիմֆոնիկ Հայֆիլմ» խորագրով բարեգործական համերգ` նվիրված Արցախյան 44-օրյա պատերազմում զոհված Վահե Մելիքսեթյանի ծննդյան 36-ամյակին
«Սիմֆոնիկ Հայֆիլմ» խորագրով բարեգործական համերգ` նվիրված Արցախյան 44-օրյա պատերազմում զոհված Վահե Մելիքսեթյանի ծննդյան 36-ամյակին

2024 թվականի նոյեմբերի 4-ին Հայաստանի պետական սիմֆոնիկ նվագախումբը «Արամ Խաչատրյան» համերգասրահում՝ «Վահե Մելիքսեթյան» կրթաբժշկական հիմնադրամի...

Իրադարձություններ Հայաստանում
Նոյեմբերի 1-ին և 2-ին, 2024 թ., «Ընտանեկան բժշկություն» թեմայով 11-րդ գիտաժողով
Նոյեմբերի 1-ին և 2-ին, 2024 թ., «Ընտանեկան բժշկություն» թեմայով 11-րդ գիտաժողով

Սիրով հրավիրում ենք Ձեզ մասնակցելու «Ընտանեկան բժշկություն» թեմայով 11-րդ գիտաժողովին՝ միջազգային մասնակցությամբ։ Միջոցառումը տեղի կունենա...

Գլխացավը ժամանակակից աշխարհում. մարտահրավերներ և ձեռքբերումներ
Գլխացավը ժամանակակից աշխարհում. մարտահրավերներ և ձեռքբերումներ

Հոկտեմբերի 10-17-ը «Ցավի բժշկության ազգային ասոցիացիան», «Ցավի հետազոտման միջազգային ասոցիացիան», «Ցավի Եվրոպական Դաշնությունը»...

Իրադարձություններ Հայաստանում
ԵՊԲՀ. Ստոմատոլոգիական իմպլանտոլոգիայի ժամանակակից մոտեցումները. 6-օրյա դասընթաց
ԵՊԲՀ. Ստոմատոլոգիական իմպլանտոլոգիայի ժամանակակից մոտեցումները. 6-օրյա դասընթաց

Երևանի Մխիթար Հերացու անվան պետական բժշկական համալսարանում մեկնարկեց «Առաջադեմ ստոմատոլոգիական իմպլանտոլոգիա» թեմայով 6-oրյա վերապատրաստման դասընթացը...

Իրադարձություններ Հայաստանում
ՀՀ ԱՆ. Քննարկում` թվային փոխակերպման ազդեցությունը առողջապահական համակարգի կառավարման մեջ թեմայով
ՀՀ ԱՆ. Քննարկում` թվային փոխակերպման ազդեցությունը առողջապահական համակարգի կառավարման մեջ թեմայով

Առողջապահության նախարար Անահիտ Ավանեսյանը WCIT 2024 / DigiTec -ի շրջանակում մասնակցել է «Թվային փոխակերպման ազդեցությունը առողջապահական համակարգի կառավարման մեջ...

Իրադարձություններ Հայաստանում
«Շուրջվիրահատական բուժքույրական խնամք» թեմայով դասընթաց. erebunimed.com
«Շուրջվիրահատական բուժքույրական խնամք» թեմայով դասընթաց. erebunimed.com

Հոկտեմբերի 7-11-ը «Էրեբունի» բժշկական կենտրոնի Հայաստանի անհետաձգելի և աղետների բժշկության միջազգային ուսումնավարժական կենտրոնը կազմակերպում է...

Իրադարձություններ Հայաստանում
«Վարդանանց» ՆԲԿ-ն նոր համագործակցություն է սկսում ռևմատոլոգիական հիվանդությունների ախտորոշման և բուժման նպատակով
«Վարդանանց» ՆԲԿ-ն նոր համագործակցություն է սկսում  ռևմատոլոգիական հիվանդությունների ախտորոշման և բուժման նպատակով

«Վարդանանց» նորարարական բժշկության կենտրոնի հրավերով Երևանում էր Գերմանիայում ճանաչված ռևմատոլոգ...

Իրադարձություններ Հայաստանում
Համաժողով «Վարդագույն հոկտեմբեր»-ին ընդառաջ. erebunimed.com
Համաժողով «Վարդագույն հոկտեմբեր»-ին ընդառաջ. erebunimed.com

Աշխարհի տարբեր երկրների առաջատար մասնագետները Հայաստանում են՝ քննարկելու կրծքագեղձի քաղցկեղի ախտորոշման և բուժման հիմնահարցերը...

Իրադարձություններ Հայաստանում
ԵՊԲՀ. Ուսանողական գիտաժողով՝ նվիրված երեխայի հոգեբանական, ֆիզիկական և մտավոր զարգացմանը
ԵՊԲՀ. Ուսանողական գիտաժողով՝ նվիրված երեխայի հոգեբանական, ֆիզիկական և մտավոր զարգացմանը

«Երեխայի հոգեբանական, ֆիզիկական և մտավոր զարգացում, կրթություն: Կախվածություններ. Կանխարգելում, դրանց հոգեբանական, սոցիալական և ախտաբանական հետևանքները»...

Նոր հեռանկարներ Մարգարյան ծննդատանը. Ռուբեն Ադամյանի դասախոսությունը. morevmankan.am
Նոր հեռանկարներ Մարգարյան ծննդատանը. Ռուբեն Ադամյանի դասախոսությունը. morevmankan.am

Հայազգի հայտնի պլաստիկ վիրաբույժ, Ի․Մ. Սեչենովի անվ․Մոսկվայի առաջին պետական բժշկական համալսարանի ուռուցքաբանության, ռադիոթերապիայի և պլաստիկ...

ԵՊԲՀ. Միջազգային բժշկական երկօրյա համագումարն ամփոփեց աշխատանքները
ԵՊԲՀ. Միջազգային բժշկական երկօրյա համագումարն ամփոփեց աշխատանքները

Երևանի Մխիթար Հերացու անվան պետական բժշկական համալսարանում սեպտեմբերի 26-ին շարունակվեց Ֆրեզնոյում Հայաստանի Հանրապետության պատվավոր հյուպատոսության...

Իրադարձություններ Հայաստանում

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ