1555թ. մարտի 1-ին, 459 տարի առաջ, Նոստրադամուսը հրատարակեց իր կանխատեսումների գիրքը

1555թ. այս օրը Նոստրադամուս կեղծանվամբ հայտնի Միշել դե Նոտրդամը (Michel de Notredame) հրատարակեց իր առաջին կանխատեսումները «Միշել Նոստրադամուսի մարգարեությունները» գրքում:  

Կանխատեսումները գրված էին հանգավորված քառյակների տեսքով: Բացի այդ, Նոստրադամուսն իր կանխատեսումները հանգամանորեն կոդավորել է. քառյակները գրված էին չորս լեզուների խառնուրդով: Դրանցում գրեթե ոչ մի ամսաթիվ նշված չէր, պահպանված չէր ժամանակի հաջորդականությունը, և հենց քառյակներն էլ խառնած էին: Եվ, այնուամենայնիվ, Նոստրադամուսի արվեստը հետազոտողներին բավականին շատ հետաքրքիր և ճշգրիտ պատմական համընկնումներ են հանդիպում: 

Կանխատեսումներ կատարելու համար Նոստրադամուսը դիմում էր մոլորակային սխեմաներին: Որոշ հետազոտողներ կարծում են, որ երկնային մարմիններn ազդում են մարդկանց գործերի վրա… Բայց ժամանակակից գիտության տեսանկյունից տվյալ համոզմունքը քիչ հավանական է: 

Քննադատների մեծ մասի կարծիքը համընկնում է, ինչի համաձայն Նոստրադամուսի աշխատանքներն իրենցից միայն անձնական ենթադրություններ և բնազդային կանխատեսումներ են ներկայացնում: Նոստրադամուսին հանրաճանաչություն բերած կանխատեսումների մոտեցումը հետևյալում է կայանում.

Չլինել այնքան հստակ, որ հնարավոր լինի նկատել սխալները: Լինել խորհրդավոր և անորոշ:
 

Գրել այնպես, որպեսզի ընթերցողը մտածի, թե հեղինակը ինչ-որ բան գիտի, նույնիսկ եթե դա այդպես չէ: Դա «առեղծվածային մթնոլորտn» ավելի է մեծացնում և մարգարեությունները դարձնում ավելի «տպավորիչ»:
 

Կանխատեսել այնպիսի իրադարձություններ, որոնք շատ հավանական են՝ պատերազմներ, համաճարակներ, քաղաքական խարդավանքներ, բարձրաստիճան մարդկանց  մահ, աղետներ:
 

Եթե բավականաչափ կանխատեսումներ կատարել, ապա դրանցից որոշները անպայման կկատարվեն: Իսկ սեփական հեղինակությունը և սեփական անձի նկատմամբ հավատը բարձրացնելու համար կարելի է տեղադրել մի քանի «մարգարեական հետփաստեր»: Որոշ ժամանակ անց վստահող մարդիկ կմոռանանան, որ դուք ոչ թե կանխագուշակել եք, այլ միայն պատմությունն եք վերարտադրել: Տգետները չեն նկատի տարբերությունը:

Եվ վերջում, մարգարեություններից որոշներն անհրաժեշտ է վերակենդանացնել: Պատմությունը կրկնվելու հատկություն ունի, և միգուցե այս անգամ ամեն ինչ հաջողվի:

Հարցեր, պատասխաններ, մեկնաբանություններ