ՀՀ ԱՆ. ՀՀ առողջապահության նախարարն ընդունել է Ֆրանսիայի դեսպանին

ՀՀ առողջապահության նախարար Արմեն Մուրադյանն ընդունեց Հայաստանում Ֆրանսիայի արտակարգ եւ լիազոր դեսպան Ժան-Ֆրանսուա Շարպանտիեին: Արմեն Մուրադյանը նշեց, որ Ֆրանսիան Հայաստանի հուսալի եւ արդյունավետ գործընկերն է:

ՍՏԵՓԱՆԱԿԵՐՏ, 1 ԴԵԿՏԵՄԲԵՐԻ, ԱՐՑԱԽՊՐԵՍ։  NEWS.am Medicine   փոխանցմամբ՝ «սա նախեւառաջ պայմանավորված է այն ավանդական կապերով, որոնց ձեւավորման գործում իրենց ներդրումն ունեն մեր սփյուռքահայ գործընկերները»,- ասաց ՀՀ առողջապահության նախարարը:

Ներկայացրեցնելով երկու երկրի միջեւ ոլորտում իրականաղվող հաջողված ծրագրերը նա նշեց, որ թեեւ Ֆրանսիայի հետ առողջապահության բնագավառում միջգերատեսչական համագործակցության համաձայնագիր ստորագրված չէ, այնուամենայնիվ միջպետական ամուր իրավական կապերն ու բարեկամական հարաբերությունները թույլ են տվել ակտիվ եւ արդյունավետ համագործակցություն ծավալել առողջապահության համակարգի զարգացման ուղղությամբ:

«Հատկապես արդյունավետ համագործակցություն է ծավալվում տուբերկուլոզի ոլորտում, հաջողությամբ գործում է ֆրանսիական «Բժիշկներ առանց սահմանների» կազմակերպությունը, որն օժանդակում է ՀՀ առողջապահության նախարարության Տուբերկուլյոզի Ազգային Գրասենյակին տուբերկուլյոզով հիվանդների բուժման հարցում` Երեւանում, Արմավիրի, Շիրակի, Լոռու, Կոտայքի եւ Արարատի մարզերում, ինչպես նաեւ դեղորայքակայուն տուբերկուլյոզի բուժման ծրագիր է իրականացնում Լեռնային Ղարաբաղի Հանրապետությունում»,- ասաց Արմեն Մուրադյանը: Նրա խոսքով` Հայաստանում առողջապահության բնագավառում արդյունավետ համագործակցություն են ծավալում նաեւ «Ցավեր առանց սահմանների», UMAF, Action Santé, Initiative, SPFA ֆրանսիական կազմակերպությունները:

Նախարարը կարեւորեց նաեւ 2014թ. ՀՀ առողջապահության նախարարության սոցիալական հոգեբուժության համաշխարհային ասոցիացիայի եւ ֆրանսիական «Սանոֆի Ավենտիս գրուպի» միջեւ Հայաստանում հոգեկան հիվանդությունների դեմ տարվող աշխատանքը բարելավելու նպատակով հանրային մասնավոր համագործակցության փոխըմբռնման հուշագրի ստորագրումը:

Հաջողված ծրագրերի շարքում նախարարը մատնանշեց ՁԻԱՀ-ի, տուբերկուլոզի եւ մալարիայի դեմ պայքարի Գլոբալ հիմնադրամի Հայաստանին ուղղված աջակցության ծրագիրը: Հիմնադրամի դոնոր երկրների շարքում Ֆրանսիան զբաղեցնում է երկրրոդ տեղը: Ժան-Ֆրանսուա Շարպանտիեին ուշագրավ համարեց, որ ՀՀ առողջապահության նախարարությունում հանդիպումը տեղի է ունենում դեկտեմբերի 1-ին` ՁԻԱՀ-ի դեմ պայքարի համաշխարհային օրը: Դեսպանն ընդգծեց, որ Հայաստանի կատարած աշխատանքն այս ոլորտում օրինակելի է:

«Տարածաշրջանում Ձեր երկիրը ՁԻԱՀ-ի դեմ պայքարում իր վարած քաղաքականությամբ եւ ծրագրերով օրինակելի է»,- վստահեցրեց դիվանագետը:

Նա հայտնեց, որ առողջապահական ոլորտում համագործակցության ընդլայնմանն է ուղղված նաեւ Հայաստանի ֆրանսիական համալսարանում հաջորդ ուսումնական տարվա սկզբից կներդրվի հիվանդությունների կառավարման մասնագետների պատրաստման դասընթաց: Դիվանագետը կարեւորեց նաեւ երկու երկրների համագործակցությունը գիտահետազոտական ոլորտում:

Ֆրանսիայի Գուստավ Ռուսի անվան առաջատար ուռուցքբանական կենտրոնում հայ ուռուցքաբանների համար կազմակերպվել են վերապատրաստման դասընթացներ: Սերտ համագործակցություն է ծավալվել նաեւ ֆրանսիական «PCD» կազմակերպության հետ, որը մեծապես կնպաստի Հայաստանում ուռուցքաբանության, մանկաբուժության եւ գինեկոլոգիայի ասպարեզներում ախտորոշման եւ բուժօգնության որակի բարելավմանը: Լոռու մարզում շարունակում է գործել Ֆրանսիայի հայ բժիշկների միության նախաձեռնությունը` շարժական ատամնաբուժական կլինիկան: Հաշվետու ժամանակահատվածում Վայոց Ձորում մեկնարկեց նաեւ «Ակնոցներ Հայաստանի համար» ծրագիրը, որը նուjնպես Ֆրանսիայի հայ բժիշկների միության նախաձեռնությունն է:

Հանդիպմանը հաջորդեց ՁԻԱՀ-ի դեմ պայքարի համաշխարհային օրվան նվիրված մամուլի ասուլիսը:

Հարցեր, պատասխաններ, մեկնաբանություններ