Բաղադրությունը

Ջուր` 75-83%, շաքարներ` 5-14%, ազոտային նյութեր` 0.3 %, խնձորաթթու` 0.1-0.25%, պեկտինային նյութեր' 3.4-3.6%, մոխրացող մնացորդ` 0.3%:

Պարունակում է նաև 10 մգ վիտամին С, A, B խմբի և Е վիտամիններ:

Կիրառումը

Մեծ քանակով տանձի ընդունումը հանգեցնում է փորկապության: Կարելի է օգտագործել լուծի, դիզենտերիայի դեպքում: Հյութը միզամուղ է, կիրառում են ցինգայի, երիկամային քարերի դեմ: Մխիթար Հերացին սննդաբուժումն ավելի բարձր է գնահատել, քան դեղորայքայինը, և այդ առումով մեծ տեղ էր տալիս տանձի, սերկևիլի, խնձորի, սեխի, նռան, հոնի թարմ հյութերի կիրառությանը:

Տանձը ևս խնձորի, սեխի, բանանի պես ընդունակություն ունի շարունակելու հասունանալ ծառից հավաքելուց հետո:

Տանձի կորիզները պետք է ծամել ու կալ տալ, դրանք ճիճվասպան են: Տանձը այն սակավ պտուղներից է, որն օգտակար է սնկային հիվանդությունների դեպքում: Տերևների եփուկը մրսածության, անգինայի, խոցերի դեմ է, իսկ քաղցր տանձը` թոքերի չարորակ ուռուցքների: Ամիրդովլաթը հասուն տանձն օգտագործում էր սրտի ամրացման, ստամոքսի բուժման, սրտխառնոցների դադարեցման համար: Տանձի չիրի եփուկը լռւծ է առաջացնում:

«Մրգերի և բանջարեղենի բուժական հատկությունները»

Վ.Շ. ԱՍԼԱՆՅԱՆ

Տեղեկատվություն. med-practic.com

Կարդացեք նաև.

ՀՈԴՎԱԾՆԵՐ

Բուժիչ տանձը