«Իզմիրլյան» բժշկական կենտրոնի գործունեությունը գնահատեց Շվեյցարիայի «Իզմիրլյան» հիմնադրամի գործադիր տնօրեն Գրեգորի Ջերեջյանը. izmirlianmedicalcenter.com

«Իզմիրլյան» բժշկական կենտրոնում հյուրընկալվեցին  Շվեյցարիայի «Իզմիրլյան» հիմնադրամի գործադիր տնօրեն Գրեգորի Ջերեջյանը և Հայաստանում «Իզմիրլյան» հիմնադրամի տնօրեն Լուսինե Գալաջյանը: Յուրաքանչյուր տարի «Իզմիրլյան» հիմնադրամի գործադիր տնօրենը Հայաստան կատարած այցի շրջանակներում այցելում է նաև բժշկական կենտրոն, ծանոթանում ընթացող աշխատանքների, ձեռքբերումների ու հնարավոր խնդիրների հետ:

«Իզմիրլյան» ԲԿ տնօրեն Արմեն Չարչյանը խոսեց հիվանդանոցի աշխատանքների, ծրագրերի մասին։ Նա ասաց, որ կտրուկ աճել է հիվանդների հոսքը, ինչը վկայում է հիվանդանոցի զարգացման ճիշտ վեկտորի մասին:

«Իզմիրլյան»  ԲԿ-ն, լինելով Մայր Աթոռ Սուրբ Էջմիածնի հովանու ներքո գործող կառույց, իրականացնում է մի շարք բարեգործություններ, սոցիալական ծրագրեր։

Վերջին ծրագիրը, որն իրականացվում է համատեղ  «Իզմիրլյան» հիմնադրամի հետ՝  սիրիահայերի բուժման շարունակող բարեգործական ծրագիրն է։

Թերևս, ամենակարևորը, պահպանվել է թիմը, բուժանձնակազմում փոփոխություններ չեն գրանցվել, մասնագետներն այլ բուժհաստատություններ չեն տեղափոխվել, եղել են  կադրային ավելացումներ։

Արմեն Չարչյանը նշեց. «Այս մեծ ռիթմի մեջ կա ընդլայնվելու հստակ ձևաչափ` ստեղծելու նոր բաժանմունքներ, աշխատանքը  դարձնելու առավել  ազգօգուտ, ի նպաստ, ի բարօրություն ազգաբնակչությանը։ Մենք պարբերաբար վերլուծում ենք, մեր գործողությունները, գործընթացները, որոնց ընդլայնելու ցանկություն կա: Օրինակ, եթե ունենանք ավտոմատացված համակարգ, մեր աշխատանքն այս տեմպի մեջ ավելի դյուրին կլինի»։

Գրեգորի Ջերեջյանը պատմեց իր ակնկալիքների և «Իզմիրլյան» հիվանդանոցից ստացած տպավորությունների մասին. «Սպասելիքներս գերազանցված են: Վիրահատությունների քանակի զգալի աճը թույլ է տալիս ենթադրել, որ այստեղ, իրավամբ, լավ մասնագետներ են աշխատում, որ լավագույն սարքերն են կիրառվում:  Մենք էլ մեծ ծրագրեր ունենք հիվանդանոցի հետ և կարծում ենք, որ հիվանդանոցի ճանաչելիության բարձրացումը կապված է տնօրենի ո՛չ միայն ադմինիստրատիվ աշխատանքի, այլև Վիրահատող Բժիշկ լինելու փաստով։ Դա իսկապես կարևոր է և գնահատելի»։

Հանդիպման վերջում շրջայց կատարվեց հիվանդանոցի բաժանմունքներում և բակում։

Ամալյա Գևորգյան ,
մամուլի և հասարակության հետ կապերի պատասխանատու

Հարցեր, պատասխաններ, մեկնաբանություններ